@chavoshi.kurd: مرۆڤەکان وەک ڕووبار وان؛ ناتوانیت دوو جار پێ بخەیتە ناو هەمان ئاوەوە، چونکە نە ئاوەکە هەمان ئاوە و نە تۆش هەمان مرۆڤی پێشووی. هەندێک جار، گەورەترین دۆڕان ئەوە نییە کە کەسێک لەدەست بدەیت، بەڵکو ئەوەیە لەناو خودی ئەو کەسەدا بگەڕێیت بۆ ئەو وێنایەی کە پێشتر دەتناسی و نەیدۆزیتەوە. مرۆڤەکان لە کاتێکدا کە زۆر ئازار دەچێژن، نامرن، بەڵکو جارێکی تر لەدایک دەبنەوە؛ بەڵام ئەمجارەیان بە دڵێکی ڕەقتر، چاوێکی بێدەنگتر و ڕۆحێکی دوورتر. کاتێک بە قسەیەک، بە پشتگوێخستنێک، یان بە خیانەتێک ئازاری ڕۆحی کەسێک دەدەیت، تۆ تەنها سۆزی ئەو ساتە ناپشێویت، بەڵکو ئەو پردە دەڕوخێنیت کە پێشتر هیوای لەسەر ئاوا ببوو. ئەو چیتر ناتوانێت وەک جاران بێت بۆت، نەک لەبەر ئەوەی نەیەوێت، بەڵکو چونکە ئازارەکە برینێکی تێدا جێهێشتووە کە متمانەی کۆنی پێ چاک نابێتەوە. تۆ تەنانەت ئەگەر لەناو چاوەکانیشیدا بڕوانیت، تەنها تەمێکی غەریب دەبینیت؛ ئەو لە تەنیشتت دانیشتووە، بەڵام هەزاران ساڵی ڕووناکی لە تۆوە دوورە. مرۆڤەکان کە دەگۆڕێن، دەبنە خاکێکی نوێ کە چیتر گوڵی تۆی تیا ناڕوێت.... فەیلەسووفی یۆنانی هێراکلیتۆس دەڵێت: "تۆ ناتوانیت دوو جار پێ بخەیتە ناو هەمان ڕووبارەوە." ئەم وتەیە ڕێک بەسەر مرۆڤەکانیشدا جێبەجێ دەبێت؛ کاتێک کەسێک ئازار دەدرێت، ڕۆحی دەگۆڕێت و دەبێتە کەسێکی تر، ئیتر ئەو ڕووبارە سۆزبەخشەی جاران نییە نووسەری گەورە مەحمودی دەروێش دەڵێت: "ئیتر گەڕانەوە نییە، تەنانەت ئەگەر بگەڕێینەوەش، ئێمە چیتر ئەو کەسانە نین کە پێشتر جێمان هێشتوون. "کاتێک شووشەیەک دەشکێنیت، ئەگەر دڵتەنگیش بیت و داوای لێبوردنیشی لێبکەیت، پارچەکان پێ پێکەوە نانووسێنەوە، ئەگەر بیلکێنیتەوەش، هێشتا شوێنی درزەکان دەستت دەبڕن." #محسن_چاوشی #چاڤۆشی #mohsenchavoshi #chavoshi #چاوشی

chavoshi

Open In TikTok:

Region: IQ

Monday 02 November 2026 19:25:30 GMT