@zoolnice08: شوف العين قالت ده لا لا... ما قالتها بلسانها، قالتها بعيونها. نظرة واحدة كانت كفيلة تقلب قلبي، وتطفي كل الشموع الكنت مولعها عشانها. وصدت قالت ده لا لا... صدت.. وكأنها خايفة تشوفني، ولا خايفة أشوف ضعفي فيها. صدت، وخلت الريح تشيل باقي كلامي، وخلتني واقف براي في نص الشارع، لا قادر أرجع ولا قادر أمشي ليها. القلب مال ليه لا لا... سألت قلبي، مالك؟ ليه اخترت الوجع؟ قال لي هو القلب بستأذن؟ هو شاف الجمال وسجد.. مال من غير ما يشاورني، مال وانكسر. والعين قالت ده لا لا... يا ريتها كانت قالت آه، يا ريتها قالت تعال.. لكن عيونها كانت أوضح من أي كلام، كانت بتقول: ما ليك.. ما ليك مكان هنا. يا القوامك لادن لا لا، فيهو زهر الروض لالا لا.. يا قامتك البتتمايل زي غصن الروض لما يصحى الصباح، يا ريحتك الزهور بتغير منها.. كيف أنا ما أميل؟ وكيف قلبي ما يميل لي زول مخلوق من نور وزهر؟ من جمالك ياهو لا لا، العيون دايرينه لا لا لا.. من جمالك ده.. الكل دايرو، والكل بتمناه.. وأنا واحد من بين ألف، واقف في الصف البعيد، بعاين ليك وما قادر أوصلك. شوف الجمال الزاهي لا لا، فوقه حُسنك باهي لا لا.. جمالك ما جمال وش ساي، جمالك نور بيشع، بيخلي الليل نهار.. حسنك باهي وفايت الحد، وكل ما أشوفك بقول سبحان الخلّاق. أهيف رشيق هزاز لا لا، غصنه فيك مميّز لا لا.. رشيق، خفيف، زي نسمة ما بتتمسك.. بتهز قلبي كل ما تمشي، وبتمشي وتخليني أهتز وراك. أنا حبيبي غزال لا لا، في فؤادي حاز لا لا.. أنا ما حبيت زول ساي.. أنا حبيت غزال، حبيت روح بتجري وما بتقيف.. دخل جوة فؤادي وسكن، وحجز كل الأماكن الجواي، وما فضل لي حتى حتة أحب بيها زول تاني. يا حبيبة.. لو "لا لا" بتوجع قدر ده💔، كيف بتكون "آه" حقتك؟ أنا لسه منتظر، حتى لو عيونك قالت لا.. قلبي لسه بقول آه... zool nice08 #رساله_للقلب🖤🥀 #مجروحين_من_الله_خلقنة #كلام_في_الصميم #سودانيز_تيك_توك_مشاهير_السودان #مغتربين_السودان_بالخارج

Dr.Abdalla Suliman

Open In TikTok:

Region: SD

Monday 02 November 2026 21:54:41 GMT