@thuyahtun224: #အမေ့အိမ် မာနဆိုတာ ကိုယ့်ခြေမပေါ် ကိုယ့်နဖူးကကျတဲ့ ချွေးကို ကြည့်ပြီး ခေါင်းမော့ရင်ကော့တာဘဲ မခံချင်စိတ်က ငယ်ရွယ်မှုမှာ ထစ်ခနဲရှိ မှားမှားမှန်မှန် ပြန်ပြောခဲ့တာဘဲ ဂစ်တာတီးတယ် ဆေးလိပ်သောက်တယ် မကောင်းတာတွေလည်း တော်တော်များများနဲ့ ရင်းနှီးကျွမ်းဝင်ခဲ့တယ် အသက် ၁၉ မှာ အိမ်အပြင်ကို စပျံသန်းတယ် လွတ်လပ်မှုက ဘာနဲ့မှ လဲမရခဲ့ အဲဒီအချိန်ထဲက စရှုံးနေတာ မသိခဲ့ဘူး အမေကတော့ မသွားဖို့ တတွတ်တွတ်မှာရင်း မျက်နှာမဲ့လို့ ကျွန်တော်ကသာ အမေ့ရင်ကိုရော ခြေဆုံကန် ခွဲခဲ့တဲ့ ခြံတံခါးကိုရော တစ်စက်မှ အားနာမှုမရှိခဲ့ဘူး ရှိသမျှမာနနဲ့ ကိုယ့်လမ်းကို ဖောက်မိခဲ့တယ် ဆန္ဒနဲ့မာနကြားက လွန်ဆွဲပွဲ ကျွန်တော့်လက်ကတော့ ခပ်တင်းတင်းဘဲ အမေ့လက်လေး လျော့ပေးရှာတယ် အဲဒီနေ့က အမေ့ မျက်ရည်ပန်းတွေ တဖြုတ်ဖြုတ် ကြွေခဲ့ပေါ့ ကျွန်တော့် ဝါသနာတွေ အမြင့်မှာဝေပါစေတဲ့ နောက်ပြန်မကြည့်ခဲ့တဲ့ သားတစ်ယောက်ရဲ့ နားထဲ ငိုငြီးသံတွေသာ နောက်ဆုံးကြားခဲ့ ဝါသနာရဲ့ ခေါင်းစဉ်အောက် ပြေးလိုက်လွှားလိုက် ဘုရားကိုတလိုက် အမေ့ကိုတဖို့တော့ မေ့နေခဲ့တယ် နာတာရှည် ဖျားနာခြင်းတွေကြား နေခဲ့ရသမျှ နည်းနည်းမှ အဆင်မပြေဘူးအမေ ဆန္ဒက ရင့်ကျက်မှုကို လက်တလုံးခြား လုပ်နေတာ ကျွန်တော် မပျော်ဘူး ဝါသနာက ဝါသနာဘဲ ကျွန်တော် မပျော်ဘူး အမေ ဘုရားဖြစ်မဲ့ အုတ်နီခဲလေး နိဗ္ဗာန်ကို မသွားချင်ဘူး အမေ့အိမ်ဘဲ အရင်ပြန်ချင်တယ် ငယ်ရွယ်မှု့တွေဆီက ကာလမဲ့ သားချော့တေးကို လွမ်းတယ် ထမင်းစားရင် စကားမပြောနဲ့ လက်ကြီးထောက်မစားနဲ့ ဆင်းရဲတတ်တယ် အဖေကြီးကို အရင်ဦးချလိုက်ဦး အသားတုံးလေး တစ်ဖဲ့ အမြဲအပိုရတဲ့ ထမင်းဝိုင်းကို လွမ်းတယ် တစ်ပင်လုံးကို အညွန့်ဝေ‌စေချင်တော့ ဆုတောင်းစာတွေ နေရာအနှံ့က ပို့ပေးရှာတယ် ရောက်သမျှ ဘုရားမှာ ‌တစ်ခုတည်းသော ဆုကိုသာ သူအမြဲတောင်းတယ် သားလေး နေကောင်းကျန်းမာပါစေတဲ့ သူ့အတွက်သူတော့ ဘာဆုမှမတောင်းခဲ့ သဗ္ဗေသတ္တာကမ္မဿကာဘဲ အမေရယ် ကျွန်တော် ကျန်းမာရေး ပိုဂရုစိုက်ပါ့မယ် အိမ်အိုလေးဆီ မရောက်ဖြစ်တဲ့ ငါ့ခြေထောက်တွေ ခြင်ကိုက်မှာဆိုးလို့ တစ်ရေးနိုး ညတွေမှာ စောင်ထခြုံပေးတဲ့ လက်နှစ်ဖက် နွေးထွေးပါစေ အပြန်လမ်းကို ကြည့်ရင်း ဘုန်းကြီးကျောင်းနားနေတဲ့ သားသတ်သမားလို အမေ့အိမ်ကို တစ်ခေါက်မှ မရောက် အိမ်ဆိုတာ တစ်ခါတစ်ခါ နတ်ဖွက်ထားတဲ့ကျွန်းဘဲ မမြင်ရမတွေ့ရလဲ လွမ်းနေရပါတယ်.....။ မောင်သင်းနောင် #မောင်သင်းနောင် #photocrdtoowner #thankb4youdo🤍 #fypシffypシfypforyoutiktok

🌊🌬Thu Ya Htun💨🌚

Open In TikTok:

Region: TH

Tuesday 03 November 2026 01:52:49 GMT