လူမှုကွန်ရက်စာမျက်နှာတွေပေါ်မှာ ပုံမှန်မြင်တွေ့နေကျမြင်ကွင်းတွေနဲ့ ကွဲပြားပြီး စူးစမ်းလိုစိတ်ကို အလွန်ဆွဲဆောင်ခဲ့တဲ့ ဗီဒီယိုဖိုင်တစ်ခုကြောင့် မက္ကဆီကိုနိုင်ငံက ဖခင်တစ်ဦးဟာ အင်တာနက်စာမျက်နှာတွေပေါ်မှာ ရေပန်းစားသွားခဲ့ပါတယ် အဆိုပါ ဗီဒီယိုထဲမှာ ဖခင်ဖြစ်သူဟာ သားငယ်လေးရဲ့လက်ကို ကိုင်ပြီး လမ်းလျှောက်ခိုင်းထားပေမဲ့ သူ့ရဲ့ ရင်ခွင်ထဲမှာတော့ ကိုယ်လုံးကိုယ်ထည်အတော်လေးကြီးမားတဲ့ ပစ်ဘူးလ် ခွေးကြီးကို ပွေ့ချီထားတာကို တွေ့ရပါတယ်။ ဒီထူးဆန်းတဲ့ မြင်ကွင်းကြောင့် ကနဦးမှာ အချို့သော အင်တာနက်အသုံးပြုသူတွေက "ဖခင်ဖြစ်သူဟာ ကလေးကို မပွေ့ဘဲ ဘာကြောင့် ခွေးကြီးကို ပွေ့ထားရတာလဲ" ဆိုပြီး မေးခွန်းထုတ် ဝေဖန်မှုအချို့ ရှိခဲ့ကြပါတယ် အဲ့နောက် လုဇ် အီလီနာ ဆိုသူက ရိုက်ကူးပြီး TikTok ပေါ်မှာ မျှဝေခဲ့တဲ့ ဒီဗီဒီယိုဖိုင်ဟာ ကြည့်ရှုသူ သန်းပေါင်းများစွာ ဆီကို လျှင်မြန်စွာ ရောက်ရှိသွားခဲ့ပြီး နောက်ကွယ်က လက်တွေ့ကျတဲ့ အကြောင်းရင်းကို လူတွေ သတိပြုမိလာကြပါတယ် တကယ်က ဘယ်လိုလဲဆိုတော့ အဲ့အချိန်မှာ ရာသီဥတုက အလွန်ပူပြင်းနေပြီး လမ်းလျှောက်နေတဲ့ သားငယ်လေးရဲ့ ခြေထောက်မှာ ဖိနပ်သေသေချာချာ ပါဝင်ပေမဲ့၊ အိမ်မွေးခွေးကြီးရဲ့ ခြေဖဝါးတွေကတော့ မီးပူတိုက်ထားသလို ကတ္တရာလမ်းမပူပူကြီးနဲ့ တိုက်ရိုက်ထိတွေ့နေရတာကြောင့် ခြေဖဝါးအပူလောင်မှာ စိုးရိမ်ပြီး ဖခင်ဖြစ်သူက အခုလို ပွေ့ချီပေးထားခဲ့တာ ဖြစ်ပါတယ် ဒါ့အပြင် အနီးနားမှာ ကလေးရဲ့ မိခင်ဖြစ်သူက သေတ္တာအသုံးအဆောင်ပစ္စည်းတွေ တင်ဆောင်ထားတဲ့ ကလေးတွန်းလှည်းကို တွန်းပေးနေတာကြောင့် သားငယ်လေးကို တွန်းလှည်းပေါ်တင်ဖို့ နေရာမရှိတာကြောင့်လည်း ခွေးကြီးကို ရင်ခွင်ထဲထည့်ကာ သားဖြစ်သူကို လမ်းတွဲလျှောက်ပေးရတဲ့ မတတ်သာတဲ့ အခြေအနေဖြစ်ကြောင်း ပရိသတ်တွေက ဝိုင်းဝန်းထောက်ပြခဲ့ကြပါတယ် ဗီဒီယိုရဲ့ နောက်ကွယ်က အဖြစ်မှန်ကို သိရှိသွားကြတဲ့အခါမှာတော့ ကနဦးဝေဖန်မှုတွေဟာ ချီးကျူးသံတွေအဖြစ် ချက်ချင်းပြောင်းလဲသွားခဲ့ပြီး၊ မိမိရဲ့ သားအရင်းအပေါ်မှာကော ခြေလေးချောင်းမိသားစုဝင် အိမ်မွေးတိရစ္ဆာန်လေးအပေါ်မှာပါ အသေးစိတ် စာနာထောက်ထားတတ်တဲ့ ဖခင်ရဲ့ မေတ္တာတရားကို အင်တာနက်အသုံးပြုသူတွေက အလေးအနက် ကောင်းချီးပေးခဲ့ကြပါတယ် အစပိုင်းမှာ ဟာသတစ်ခုလိုမျိုး ဒါမှမဟုတ် ထူးဆန်းတဲ့အပြုအမူတစ်ခုလိုမျိုး ထင်မှတ်ခဲ့ကြရတဲ့ ဒီဖြစ်ရပ်လေးဟာ အိမ်မွေးတိရစ္ဆာန်လေးတွေဆိုတာ သာမန်တိရစ္ဆာန်သက်သက် မဟုတ်ဘဲ ကျွန်တော်တို့ရဲ့ အချစ် ခံထိုက်တဲ့ မိသားစုဝင်အစစ်အမှန်တွေ ဖြစ်ကြတယ်ဆိုတာကို နွေးထွေးစွာ သတိပေးလိုက်တာပဲ ဖြစ်ပါတယ် ဘဝရဲ့ သေးငယ်လှပါတယ်ဆိုတဲ့ ကြင်နာမှုလုပ်ရပ်လေးတွေကတစ်ဆင့် စစ်မှန်တဲ့ ချစ်ခြင်းတရားနဲ့ ကရုဏာတရားဆိုတာ လူသားတွေတင်မကဘဲ ခြေလေးချောင်းပါတဲ့ အိမ်မွေးတိရစ္ဆာန်လေးတွေအပါအဝင် မိသားစုဝင်တိုင်းဆီ တန်းတူညီမျှ ရောက်ရှိနိုင်တယ်ဆိုတာကို လှပစွာ သက်သေပြသသွားခဲ့ပါတယ် - @sarto8526