#የኢትዮጵያ ውድቀት እንደ ቀጠለ ውሏል። በኢትዮጵያ የተለያዩ አካባቢዎች የተባባሰው ሁነኛ ወታደራዊ ግጭት ቀጥሎ ሲውል፣ በተለይም በትግራይ ክልል በአሕፈፎም ተራራ አካባቢ በፌዴራል ሰራዊትና በትግራይ ሰራዊት መካከል ከፍተኛ ውጊያ መካሄዱንና ከፍተኛ ሰብዓዊ ጉዳት መድረሱን ከስፍራው የሚወጡ መረጃዎች ያመለክታሉ። ከዚህም በተጨማሪ በአንዳንድ የክልሉ አካባቢዎች የወታደር ዩኒፎርም የለበሱ የውጭ ሃገራት ዜጎች መታየታቸው ሁኔታውን ይበልጥ አሳሳቢ አድርጎታል። በአማራ ክልልም የአምባሰል ሰንሰለታማ ተራራማ ስፍራዎች እና በውርጌሳና ውጫሌ መካከል ያለው ውጊያ ከሶስት ቀናት በላይ የቀጠለ ሲሆን፣ በተለይም የዛሬው ዕለት ውጊያው ወደ ውጫሌ ከተማ በመቃረቡ ከፍተኛ ስጋት ፈጥሯል። የፌዴራሉ ሰራዊት ከሃይቅ ከተማ ወደ ውጫሌ አቅጣጫ የከባድ መሳሪያ እያሰነተረ መሆኑ ሲሰማ፣ ጎንደርን ጨምሮ በሌሎች የክልሉ አካባቢዎችም ረዘም ላለ ሰዓታት ከባድ ተኩስ መካሄዱ ተረጋግጧል። ከዚህም ጎን ለጎን በአፋርና ሶማሌ አዋሳኝ አካባቢዎች በተለይም በገሬኔ አካባቢ አዳዲስ ግጭቶች ተቀስቅሰው ከፍተኛ ጉዳት ማድረሳቸው ተገልጿል። በሌላ በኩል በሶማሌና ኦሮሚያ አዋሳኝ በምትገኘው ሞያሌ ከተማና ዙሪያዋ የሁለቱ ክልሎች ልዩ ሃይሎች የተሳተፉበት እና ከአስር ቀናት በላይ ያስቆጠረው ከባድ ውጊያ አሁንም ድረስ የቀጠለ ሲሆን፣ በኦሮሚያ ክልል ሆሮ ጉድሩ ወለጋም ከፍተኛ ወታደራዊ እንቅስቃሴ በመታየቱ በቅርብ ሰዓታት ውስጥ ውጊያዎች ይኖራሉ የሚል ከፍተኛ ስጋት በህብረተሰቡ ዘንድ ነግሷል። - @alexozncpye