Vwj Theeb Paaj (吴天半), tseem hu ua Vwj Pab Seeb (1772–1796) – Tus thawj coj tub rog Hmoob thaum lub caij Kob Rog Hmoob Qianlong–Jiaqing Vwj Theeb Paaj yug nyob rau cheeb tsam Laj Leem Roob (腊尔山), hauv lub nroog Feej Huam ( Phượng Hoàng ) , sab hnub poob ntawm xeev Hunan. Thaum nws tseem yau, nws tsev neeg txom nyem heev, tiam sis nws mob siab kawm ntawv, nyiam kawm txuj ci ntaus rog thiab txawj siv tej txuj ci ntaus nrig uas yog Hmoob ib txwm muaj. Nws kawm tau kaum yim yam txuj ci ntaus rog. Nws nquag tuav rab phom qub ntawm tes, ris ib rab ntaj loj tom nraub qaum, mus ncig txhua lub zos. Nws yog ib tug neeg txawj ntaus rog uas muaj koob meej nyob rau thaj tsam ciam teb Hunan thiab Guizhou. Xyoo 1795, uas yog xyoo Qianlong 60, nws raug caw kom koom tes nrog Pob Zeb Sam Pov( Swj Sab Pov ) (石三保) nyob Huayuan, Vwj Paj Yiag (吴八月) nyob Jishou, Swj Lwm Teeb (石柳邓) thiab Swj Mog Mim (石乜妹), uas yog ib tug poj niam thawj coj tub rog tawm tsam nyob Songtao, Guizhou, los tsa kev sawv tawm tsam ntawm cov neeg Hmoob thaum lub caij Qianlong–Jiaqing. Thaum muaj kev sawv tawm tsam, nws siv lub npe ua tub rog tias Tus Thawj Tub Rog Tig Ntuj (翻天将军) thiab raug tsa ua Tus Thawj Tub Rog Hwj Chim Tsov (威虎将军). Nws yog ib tug neeg ntse, siab tawv, txawj xav tswv yim ua rog thiab txiav txim siab tau sai, ua rau rau Suav (Qing) ntshai thiab ceev faj heev. Vwj Theeb Paaj nquag mus txuas kev sib raug zoo nrog ntau lub zos Hmoob. Nws txoj kev txuas lus yog siv txoj kev uas hu ua "kwv tij txuas kwv tij, phooj ywg txuas phooj ywg". Nws siv txoj kev cai haus ntshav cog lus los nthuav dav nws lub koom haum. Thaum pib muaj kev sawv tawm tsam, cov neeg Hmoob hwm Vwj Theeb Paaj ua tus Vaj Hmoob. Txawm li ntawd los, vim nws xav txog qhov xwm txheej loj thiab kev sib koom tes ntawm txhua tus, nws thiaj yeem tso nws lub luag haujlwm ntawd tseg, siv zog txhawb nqa Vwj Paj Yiag ua tus Vaj Hmoob, hos nws tus kheej txaus siab txais lub luag haujlwm ua Tus Thawj Tub Rog Hwj Chim Tsov. Nws txoj kev cob qhia cov tub rog feem ntau muaj plaub txoj kev: 1. Kawm ntaus nrig: Xws li cov txuj ci ntaus nrig 猫儿拳 (Miv Nrig – kev ntaus nrig zoo li miv) thiab 猴儿拳 (Liab Nrig – kev ntaus nrig zoo li liab). 2. Kawm siv phom: Feem ntau yog xyaum siv phom qub tua tsiaj. 3. Kawm teeb tub rog: Feem ntau yog siv tej roob, hav thiab tej yam ntxwv ntawm thaj av los teeb cuab thiab npaj kev sib ntaus sib tua. 4. Kawm sib ntaus sib tua: Siv tej tsiaj qus ua lub hom phiaj los xyaum kev ua rog tiag tiag. Cov tub rog sawv tawm tsam tau muab faib ua ntau pab, mus tawm tsam cov chaw tiv thaiv thiab cov chaw tub rog ntawm Suav ( Qing ). Vwj Theeb Paaj coj nws pab tub rog mus ntaus ncaj qha txog Xipu, nyob hauv cheeb tsam Tongren, xeev Kim Tsaw. Nws tseem koom tes nrog Swj Lwm Teeb thiab Swj Mog Mim txeeb tau lub nroog Songtao thiab tuav tau ib ntus. Tag nrho cov tub rog Qing uas nyob ntawm thaj tsam ciam teb ntawm peb lub xeev Hunan, Kim Tsaw thiab Sichuan puav leej raug cuam tshuam loj heev los ntawm nthwv dej loj ntawm kev ua rog uas cov neeg Hmoob sawv daws tau tuav cuab yeej ua ke los tawm tsam. Qhov xwm txheej no ua rau tsoom fwv Suav (Qing ) ceeb loj heev. Huaj Tai Suav Qianlong npau taws kawg nkaus, nws thiaj xa tus nom loj Fwv Khaa Aa (福康安), uas yog tus Thawj Tuam Zeej thiab muaj koob meej ua Nom Xeev , los ua tus thawj coj loj, coj 180,000 tus tub rog Suav mus tawm tsam thiab rhuav tshem cov tub rog sawv tawm tsam.#Hmoob #History #hmoobtiktok - @chin.thng.dng