@yohanwikramage: "සමහර විට, අපේ ජීවිතයේ වටිනාම කාලය සහ ආදරය වැය වෙන්නේ කිසිම දිනක ඒවා අගයන්න දන්නේ නැති මිනිසුන් වෙනුවෙන්..." අපේ දෑතින්ම ලියැවුණු... අපේ දෑතින්ම නිමාවට පත් විය යුතුම කතාවක්...👊,,, එකදු වතාවකටවත් ඒක අවංකව අගයන්න නොදත්, අපේ කඳුළක වටිනාකම තේරුම් නොගත් මිනිසුන්ට පවා, අපි කිසිවක් නොදන්නා සේ නැවත නැවතත් දහස් වාරයක් අපේ හදවතේ දොරටු විවර කර දුන්නෙමු... වැරදුණු තැන්වලදී දොස් පවරනවා වෙනුවට ඔවුන්ගේ තත්ත්වය තේරුම් ගනිමින් අපේම හදවත තලමින් සමාව දුන්නෙමු. අපවම රිදවාගනිමින්, දවාගනිමීන් ඔවුන් වෙනුවෙන් කැපකිරීම් කලෙමූ.ඔවුන් නමින් හඩාවැටෙමින් පේවී බලා සිටියෙමු. දරා සිටියෙමු. නිහඬව පපුවට තද කරගත් ඒ වේදනාකාරී රිදුම් මැද, "කවදා හරි දවසක ඔවුන්ට අපිව තේරුම් යාවි" යැයි සිතමින් ඉවසා සිටියෙමු. හඩමින් වැළපෙමින් දරාගතිමු... අයැද සිටියෙමූ. බලා සිටයෙමූ. ඔවුන්ගේ වගකීම් විරහිතකම නිසා බිඳී ගිය අපේ විශ්වාසයේ අංශු මාත්‍රයන් පවා, ලේ වැගිරෙන දෑතින් නැවත එකතු කර ගොඩනඟන්නට මහත් වෙහෙසක් දැරුවෙමු මන්ද, මනෝවිද්‍යාත්මකව අපගේ මනස සැකසී ඇත්තේ "අනුන්ගේ යහපැවැත්ම" සහ "වෙනස් වීමේ හැකියාව" මත පදනම් වූ අසීමිත බලාපොරොත්තුවකිනි. ආදරය යනු කැපකිරීමක් යැයි සිතමින්, අපේ ආත්ම අභිමානය පවා පෑගෙන්නට ඉඩ දී අපි බලා සිටියෙමු. නමුත්, අද මට තේරුම් යන කටුකම සත්‍යය එය නොවේ... කිසිදු වේදනාත්මක හැගීමක අංශුමාත්‍රයක් හෝ ඔවුනට දැනුනේම නැත.. අපේ ජීවිතයේ "සමාව දීම" සහ "දෙවන අවස්ථා ලබා දීම" යනු ඕනෑම කෙනෙකුට අසීමිතව පිහිටුවිය හැකි පුණ්‍යායතනයක් නොවේ. මනෝවිද්‍යාත්මකව, නිරන්තරයෙන්ම අපව සූරාකන, අපේ මානසික සෞඛ්‍යය බිඳ දමන, සහ අපේ සංවේදීතාව දුර්වලකමක් ලෙස සලකන විෂ සහිත (Toxic) මිනිසුන්ට දිගින් දිගටම අවස්ථා දීම යනු, අපේම අත්වලින් අපේ ආත්මය ඝාතනය කරගැනීමක්ම පමණි. සමහර මිනිසුන් වෙනස් වන්නේ නැත; ඔවුන් පුරුදු වී සිටින්නේ අපේ යහපත්කම ඔවුන්ගේ වාසියට හරවා ගැනීමට පමණි. ඉඳින් මතක තබා ගන්න: හැමෝටම දෙවන අවස්ථාවක් දිය යුතු නැත. සමහර අවස්ථාවලදී, ඔබ ඔවුන්ට ලබා දුන් අවසන් අවස්ථාවම, ඔබේ මනසේ සැනසීම වෙනුවෙන් සහ ඔබේ අනාගතය වෙනුවෙන් ඔවුන්ට සදහටම සමුදිය යුතු එකම සහ නිවැරදිම අවස්ථාව විය යුතුය. අවස් ථා ගණණාවක් දීම වනහි ඔයා විසින්ම ඔයාගෙම ගෙල මිරිකා ගැණීමක්මය,... තවත් දුක් විඳින්න එපා... ඔයාගෙ හදවතේ දොරටු වැසීම, වෙනත් කෙනෙකුට දොර වැසීමක් නොව, ඔයාගෙම අභ්‍යන්තර සාමයට ඔයා දෙන ආරක්ෂාවයි. 💔🥀 🤗

𝔂𝓸𝓱𝓪𝓷 🤗

Open In TikTok:

Region: LK

Tuesday 03 November 2026 05:46:50 GMT