ہر شخص کے پاس اپنی ایک کہانی ہوتی ہے، کچھ کہانیاں ہنستی ہوئی آنکھوں میں چھپی ہوتی ہیں اور کچھ خاموش چہروں کے پیچھے دفن۔ کسی کو گزرے ہوئے کل کا غم ہے، کوئی آنے والے کل کی فکر میں آج بھی سکون سے نہیں بیٹھ پاتا۔ کسی کی خوشیاں ادھوری ہیں، کسی کی خواہشیں، اور کوئی ایسا بھی ہے جس کے پاس بظاہر سب کچھ ہے مگر پھر بھی دل میں ایک عجیب سی بے نام اداسی رہتی ہے۔ شاید انسان کی سب سے بڑی محرومی یہی ہے کہ اسے کبھی وہ سب نہیں ملتا جس کی اسے خواہش ہوتی ہے، اور جو مل جاتا ہے، اس کی قدر کرتے کرتے بھی اکثر بہت دیر ہو جاتی ہے۔ زندگی میں خوشیاں بھی آتی ہیں، چند لمحے ایسے بھی ملتے ہیں جب لگتا ہے کہ اب سب ٹھیک ہو جائے گا، مگر پھر وقت کوئی نیا امتحان سامنے رکھ دیتا ہے۔ کبھی اپنوں کا رویہ بدل جاتا ہے، کبھی حالات، کبھی خواب اور کبھی خود انسان کی اپنی سوچ۔ رفتہ رفتہ وہی شخص جو چھوٹی چھوٹی باتوں پر خوش ہو جایا کرتا تھا، ایک دن بڑی بڑی خوشیوں کے درمیان بھی خاموش رہنے لگتا ہے۔ اور پھر ایک عمر ایسی آتی ہے جب انسان کو نہ کسی سے شکایت کرنے کا دل کرتا ہے، نہ اپنی تکلیف سمجھانے کا۔ بس دن گزرتے رہتے ہیں، راتیں بدلتی رہتی ہیں، لوگ آتے جاتے رہتے ہیں اور انسان اپنے ہی خیالات کے ساتھ زندگی کی اس دوڑ میں شامل رہتا ہے۔ شاید زندگی کا سب سے تلخ پہلو یہی ہے کہ وقت کسی کے لیے نہیں رکتا، چاہے کوئی اپنی خوشیاں سمیٹ رہا ہو یا اپنے غموں سے نکلنے کی کوشش کر رہا ہو۔ آخر میں سب کے حصے میں کچھ یادیں، کچھ پچھتاوے، چند ادھوری خواہشیں اور ایک ایسی کہانی رہ جاتی ہے جسے ہر کوئی اپنے انداز میں جیتا ہے، مگر سمجھتا شاید ہی کوئی ہے۔🤍 #foryou #foryoupage #caption #bhakkar - @bilal_warraichh