@millardayo_: Malalamiko ya muziki wenye sauti kubwa yamegeuka kuwa mauaji Nchini Marekani, baada ya mvulana mwenye umri wa miaka 10 kudaiwa kumpiga risasi na kumuua msichana wa miaka 16, Keinerlein Rangel katika Jiji la Albuquerque huko New Mexico Nchini Marekani. Kwa mujibu taarifa za Polisi, ugomvi ulianza baada ya mama wa mvulana huyo, Elaina Gomez-Villeda (40), kulalamika kuhusu muziki uliokuwa ukipigwa kwa sauti kubwa, mzozo huo uligeuka kuwa mapigano kati yake na mama wa marehemu. Polisi wanadai kuwa Gomez-Villeda alimwagiza mwanawe kuchukua bastola ndani ya Nyumba, ambapo mtoto huyo alirudi na kufyatua risasi iliyomuua Keinerlein, aliyekuwa akijaribu kuingilia ugomvi huo. Mama huyo amekamatwa na kushtakiwa kwa mauaji pamoja na makosa ya kuhatarisha usalama wa mtoto na kumruhusu kupata silaha kwa uzembe, mvulana huyo bado hajafunguliwa mashtaka, huku mamlaka zikichunguza hatua zinazofaa kwa kuzingatia umri wake.#MillardAyoUPDATES

millardayo

Open In TikTok:

Region: TZ

Tuesday 03 November 2026 09:21:35 GMT