လူကြားထဲမှာ မင်းကို ဂရုစိုက်ဖို့ မရှက်တဲ့ အမျိုးသားမျိုးကိုပဲ ရှာပါ။ မက်ဆေ့ချ်ထဲမှာပဲ အချိုသတ်ပြီး လူရှေ့သူရှေ့ရောက်ရင်တော့ အေးစက်သွားတတ်တဲ့ အမျိုးသားမျိုးကို မရွေးပါနဲ့။ မင်းအပေါ်ထားတဲ့ သံယောဇဉ်ကို အရှက်ရစရာ တစ်ခုလိုမျိုး တိုးတိုးတိတ်တိတ်ပဲ ဖော်ပြတတ်တဲ့သူမျိုးကိုလည်း မတွယ်တာပါနဲ့။ လူတွေ ဝိုင်းနေတဲ့အချိန်မှာတောင် မင်းအပေါ်ထားတဲ့ အချစ်က ပြောင်းလဲမသွားတဲ့သူမျိုးကိုပဲ ရှာပါ။ မင်းရဲ့လက်ကို သဘာဝကျကျ ဆုပ်ကိုင်ပေးမယ့်သူ၊ လူစည်ကားတဲ့နေရာမှာ မင်းကို သူ့အနားမှာပဲ ရှိနေအောင် ဂရုစိုက်ပေးမယ့်သူမျိုးကို ရှာပါ။ တံခါးဖွင့်ပေးတာ၊ ထိုင်ခုံဆွဲပေးတာနဲ့ မင်းအဆင်ပြေရဲ့လားဆိုတာကို အမြဲကြည့်ပေးနေတာမျိုးဟာ လူအထင်ကြီးအောင် လုပ်ပြတာမျိုးမဟုတ်ဘဲ သူ့ရဲ့စိတ်ရင်းထဲက ပါလာတဲ့ အပြုအမူမျိုး ဖြစ်ရပါမယ်။ တခြားသူတွေရှေ့မှာ သူ မင်းကို ဘယ်လို စကားပြောသလဲဆိုတာ သေချာကြည့်ပါ။ သူက မင်းကို မြှင့်တင်ပေးတဲ့သူ၊ မင်းမရှိတဲ့နေရာမှာတောင် မင်းရဲ့ဂုဏ်သိက္ခာနဲ့ မင်းရဲ့နှလုံးသားကို ကာကွယ်ပေးမယ့်သူမျိုး ဖြစ်ပါစေ။ မင်းရဲ့ခံစားချက်ကို ကာကွယ်ဖို့အတွက်ဆိုရင် တခြားသူတွေရဲ့ စိတ်ကူးယဉ်မှုတွေကိုတောင် ရိုက်ချိုးပစ်ဝံ့တဲ့သူမျိုး ဖြစ်ပါစေ။ သန်မာတဲ့ အမျိုးသားတစ်ယောက်ဟာ နူးညံ့ဖို့အတွက် မကြောက်ပါဘူး။ နူးညံ့ပျော့ပျောင်းပြလိုက်လို့ သူ့ရဲ့ သိက္ခာကျသွားမှာကိုလည်း သူ စိုးရိမ်မနေဘူး။ ဘာလို့လဲဆိုတော့ တကယ့်ခွန်အားနဲ့ နူးညံ့မှုဟာ ခန္ဓာကိုယ်တစ်ခုတည်းမှာ အတူတူတည်ရှိနိုင်တယ်ဆိုတာ သူသိလို့ပါပဲ။ မင်းဟာ မင်းရဲ့ဘေးနားမှာ ရပ်တည်ရတာကို ဂုဏ်ယူနေမယ့်သူနဲ့ပဲ ထိုက်တန်ပါတယ်။ ဘေးမှာ ဘယ်သူရှိနေသလဲဆိုတဲ့အပေါ် မူတည်ပြီး အပြုအမူတွေ ပြောင်းလဲမသွားတဲ့သူမျိုးပေါ့။ ဘုရားကျောင်းမှာဖြစ်ဖြစ်၊ ထမင်းစားပွဲမှာဖြစ်ဖြစ်၊ မိသားစုပွဲတွေမှာဖြစ်ဖြစ်၊ နောက်ဆုံး... အလုပ်အားတဲ့ အင်္ဂါနေ့တစ်နေ့မှာ ဈေးဝယ်ထွက်နေတာပဲဖြစ်ဖြစ်၊ မင်းအပေါ်ထားတဲ့ ဂရုစိုက်မှုက အမြဲတမ်း တစိုက်မတ်မတ် ရှိနေရပါမယ်။ အချစ်ဆိုတာ ဖိအားတွေအောက်မှာ သိမ်ငယ်သွားရမယ့်အရာ မဟုတ်ပါဘူး။ 👉🏼အကယ်၍ သူက လူကြားထဲမှာ မင်းအတွက်မားမားမတ်မတ် ရပ်တည်ပေးဖို့ ရှက်နေတယ်ဆိုရင်၊ သူဟာ မင်းကို တိတ်တဆိတ် ပိုင်ဆိုင်ထားဖို့အတွက်လည်း ယောကျာ်းမပီသသေးလို့ပါပဲ။ -Ruth Man Pi-💜crd #trend #foryou #view #creatorsearchinsights #ထူးအိမ်သင် - @ahtwe92y