انسان کی زندگی میں بہت سے لوگ ایسے ہوتے ہیں جو بظاہر بہت مخلص، محبت کرنے والے اور خیرخواہ نظر آتے ہیں، مگر حقیقت میں اُن کے دل میں کچھ اور ہی ہوتا ہے۔ ہم اکثر لوگوں کی باتوں، مسکراہٹوں اور خوبصورت الفاظ پر یقین کر لیتے ہیں، لیکن وقت گزرنے کے ساتھ اُن کے اصل چہرے سامنے آنے لگتے ہیں۔ اگر انسان چہروں کے پیچھے چھپی حقیقتیں پڑھنا سیکھ جائے تو شاید بہت سے رشتوں سے اُس کا اعتبار اٹھ جائے۔ کیونکہ ہر مسکراتا ہوا چہرہ خوشی کی علامت نہیں ہوتا، ہر محبت بھرا لفظ سچائی نہیں ہوتا اور ہر قریب رہنے والا شخص اپنا نہیں ہوتا۔ کبھی کبھی انسان کو کسی کے بدلنے کا دکھ نہیں ہوتا بلکہ اُس حقیقت کا دکھ ہوتا ہے جو بہت دیر سے سمجھ آتی ہے۔ جن لوگوں کو ہم اپنی زندگی کا اہم حصہ سمجھتے ہیں، وہی کبھی کبھی ہمیں یہ احساس دلاتے ہیں کہ ہماری اُن کی زندگی میں کوئی خاص جگہ ہی نہیں تھی۔ شاید اسی لیے کچھ حقیقتوں سے بےخبر رہنا ہی بہتر ہوتا ہے، کیونکہ ہر چہرہ پڑھنے کی کوشش انسان کو تنہا کر دیتی ہے۔ کچھ لوگوں کی حقیقت جان کر اُن سے نفرت نہیں ہوتی، بس دل خاموشی سے اُنہیں اپنی زندگی میں پہلے جیسی جگہ دینا چھوڑ دیتا ہے۔ 💔#khamoshzakham #sadpoetry #foryp - @benammohbt2