@ayamakkrdce: ငယ်ရွယ်နုနယ်ချိန်ကတည်းက သာသနာတော်ကို အဓိဋ္ဌာန်ပြု ချစ်မြတ်နိုးသူ... လူတစ်ယောက်ရဲ့ ရင်ထဲမှာ ငယ်စဉ်ကတည်းက ကိန်းအောင်းနေတဲ့ စစ်မှန်တဲ့ ဆန္ဒတစ်ခုဟာ အချိန်တွေ ဘယ်လောက်ကြာသွားပါစေ၊ ဘယ်လို အတားအဆီးတွေနဲ့ ကြုံရပါစေ ပျောက်ကွယ်မသွားတတ်ပါဘူး။ အဲဒီလို ခိုင်မာတဲ့ ရည်မှန်းချက်ကို အကောင်အထည်ဖော်နိုင်ခဲ့သူကတော့ ပြင်ဦးလွင်မြို့၊ သာသနာ့ပျိုးဥယျာဉ်ကျောင်းတိုက်မှ ရှင်ဝိမလဗုဒ္ဓိ ကိုရင်လေးပဲ ဖြစ်ပါတယ်။ ကိုရင်လေးဟာ ငယ်ငယ်ကတည်းက သာမဏေဝတ်ချင်တဲ့ ဆန္ဒပြင်းပြခဲ့သူပါ။ ဒုတိယတန်းအရွယ်မှာ ယာယီသာမဏေဝတ်ခွင့်ရခဲ့ပြီး အဲဒီဘဝကို အလွန်နှစ်သက်ခဲ့ပေမဲ့ မိဘတွေရဲ့ စိုးရိမ်ပူပန်မှုကြောင့် လူထွက်ခဲ့ရပြီး ခဏတာ ဝေးကွာခဲ့ရပါတယ်။ ဒါပေမဲ့ ရင်ထဲက ဆန္ဒကတော့ တိတ်တဆိတ် ရှိနေဆဲပါပဲ။ ၂၀၂၅ ခုနှစ် ဖေဖော်ဝါရီလမှာ ကျောင်းတိုက်ကို ဆွမ်းလှူရင်း ကိုရင်ငယ်လေးတွေကို တွေ့လိုက်ရတဲ့အခါ အဲဒီဆန္ဒတွေ ပြန်လည်နိုးကြားလာခဲ့ပါတယ်။ အဲဒီနောက် မိသားစုကို ခွင့်တောင်းနေဆဲကာလမှာပဲ မြန်မာနိုင်ငံကို တုန်-လှုပ်ခြောက်ခြားစေခဲ့တဲ့ မန္တလေးငလျင်ကြီး ပေါ်ပေါက်လာခဲ့ပါတယ်။ ငလျင်ဒ-ဏ် ကြောင့် အသ-က်ဆုံးရှုံး-မှုတွေ၊ မိသားစုတွေ ကွဲကွာပျက်-စီးသွားရတဲ့ မြင်ကွင်းတွေက ကိုရင်လေးရဲ့ ရင်ထဲမှာ လူ့ဘဝရဲ့ မမြဲခြင်းတရားအပေါ် ကြီးမားတဲ့ သံဝေဂတရားကို ဖြစ်ပေါ်စေခဲ့ပါတယ်။ "မနေ့က ရှိနေတဲ့အရာတွေဟာ ဒီနေ့မှာ မရှိတော့ဘူး" ဆိုတဲ့ အနိစ္စသဘောကို နက်နက်ရှိုင်းရှိုင်း သဘောပေါက်သွားတဲ့အခါမှာတော့ မိခင်ဖြစ်သူကို အခိုင်အမာ ထပ်မံပြောပြပြီး သာသနာ့ဘောင်ထဲကို အပြီးအပိုင် ဝင်ရောက်ခွင့် ရရှိသွားခဲ့ပါတော့တယ်။ ငယ်ရွယ်စဉ်ကတည်းက သာသနာတော်ကို ချစ်မြတ်နိုးကာ သံဝေဂတရားနဲ့အတူ မိမိလျှောက်လှမ်းမယ့်လမ်းကို ရဲရဲဝံ့ဝံ့ ရွေးချယ်နိုင်ခဲ့တဲ့ ရှင်ဝိမလဗုဒ္ဓိ ကိုရင်လေးတစ်ပါး သာသနာ့ခရီးလမ်းမှာ အေးချမ်းသာယာပြီး အနာဂတ်မှာ ထင်ရှားတဲ့ ပညာရှင် ဆရာတော်ကောင်းတစ်ပါး ဖြစ်လာပါစေကြောင်း ကြည်ညိုစွာ ဆုမွန်ကောင်း တောင်းလိုက်ပါတယ်ဘုရား။ 🙏🙏🙏 #လူ့ဘဝဇာတ်လမ်း #မျှော်လင့်ချက် #foryou#crd

မေမြတ်နိုး

Open In TikTok:

Region: MM

Tuesday 03 November 2026 14:48:51 GMT