@butale_tv: Mkuu wa mkoa Dar es salaam Albert Chalamila ametoa salamu za pole na rambirambi kwani niaba ya waziri mkuu Dr Mwigulu Nchemba leo wakati wa ibada ya kumuaga Mchungaji Dr Charles Sokile katika kanisa la CCC Upanga alipokuwa anahudumu mpaka umauti ulipo mkuta. Mazishi ya mchungaji Dr Charles Sokile yanatarajiwa kufanyika mkoani musoma mjini siku ya ijumaa katika kanisa la Nyakato TAG Mchungaji Dr Charles amefariki akiwa mkurugenzi wa Oxford policy management katika ofisi ya Tanzania. Dr Charles amefanya kazi na mashirika ya kimataifa ya maendeleo, taasisi za kikanda pamoja na Serikali ya Taifa, ikiwemo katika ngazi za juu za ushauri na usimamizi wa programu. Baadhi ya taasisi hizo ni FCDO, UNESCO, Jumuiya ya Afrika Mashariki (EAC), pamoja na Ofisi ya Rais Menejimenti ya Utumishi wa Umma ya Serikali ya Tanzania. Katika kipindi chake cha kazi, amebuni na kuongoza utekelezaji wa miradi mikubwa ya maendeleo ya huduma za umma pamoja na tafiti mbalimbali. Ana uzoefu wa vitendo wa zaidi ya miaka 20 katika maeneo ya utawala bora, uwajibikaji, mapambano dhidi ya rushwa, masuala ya kibinadamu, upangaji wa mipango ya kimkakati, maendeleo ya taasisi, usimamizi wa programu na mikakati ya kukuza biashara na maendeleo ya taasisi. Pia amewahi kufanya kazi katika miradi mbalimbali katika nchi za Burundi, India, Kenya, Rwanda, Tanzania na Uganda. Charles ana Shahada ya Uzamivu (PhD) katika Masomo ya Maendeleo (Development Studies) kutoka Chuo Kikuu cha Dar es Salaam. Bwana ametoa na Bwana ametwaa jina la Bwana lihimidiwe.

Butale tv

Open In TikTok:

Region: TZ

Tuesday 03 November 2026 15:28:21 GMT