@qazaqstan.tv_: «Бір АЭС Қазақстандағы энергетика мәселесін толық шеше алмайды» «Ашық алаң» бағдарламасында ҚР Атом энергиясы жөніндегі агенттігінің Ғылым және инновациялар департаментінің директоры Данияр Жансейітов еліміздің энергетикалық қауіпсіздігін қамтамасыз ету және электр энергиясы тапшылығын азайту мәселесіне тоқталды. Оның айтуынша, бір атом электр станциясы энергетика саласында жылдар бойы қалыптасқан мәселелерді толық шешпейді. Сондықтан АЭС құрылысымен қатар жылу электр станцияларын жаңғырту, су электр станцияларын дамыту және жаңа энергия өндіру көздерін іске қосу маңызды. Сондай-ақ ол Энергетика министрлігінің 2029 жылға дейін электр энергиясы тапшылығын жою жоспары бар екенін атап өтті. Сарапшының пікірінше, энергетикалық тұрақтылық елдің тәуелсіздігіне, өндірістің дамуына және шетелдік инвестиция тартуға тікелей әсер етеді. «Бір АЭС энергетика саласындағы барлық мәселені шеше алмайды. Бірақ бұл – бастамасы. Энергетикалық қауіпсіздік – тәуелсіз мемлекеттің ең басты тіректерінің бірі. Қажетті электр қуатын өзіміз өндірсек, өндірісімізді де дамыта аламыз. Алдағы екі-үш жылда атқарылып жатқан жұмыстардың нәтижесі көрінеді деген сенім бар», – деді Данияр Жансейітов.

«Qazaqstan» телеарнасы

Open In TikTok:

Region: KZ

Tuesday 03 November 2026 16:14:44 GMT