@dizzymedia_: Zaidi ya Nyumba 30 na Kaya 80 zilizopo Mtaa wa Nzovwe Kata ya Nzovwe Jijini Mbeya zimebomoka baada ya Mvua iliyonyesha kwa muda wa Dakika 10 na nyumba hizo kusombwa na maji yaliyoshindwa kufuata muelekeo wake baada ya mtaro wa awali kuzibwa na mkandarasi anayejenga barabara kuu ya tanzam ya njia. Baadhi ya wananchi walioathirika na mafuriko hayo wameeleza namna walivyokumbwa na mkasa huo, huku wakieleza hofu yao kutokana na uharibifu wa nyumba na kupoteza makazi kufuatia mvua hiyo ya muda mfupi. Akizungumzia chanzo cha mafuriko hayo, Mjumbe wa Serikali ya Mtaa wa Nzovwe, Edwin Mwangonji, ameeleza namna kuzibwa kwa mtaro wa awali kulivyochangia maji kukosa njia ya kupita na kuingia katika makazi ya wananchi. Kwa upande wake, Diwani wa Kata ya Nzovwe, Leo Mwakapila, ameeleza takwimu za madhara yaliyobainika baada ya kutembelea maeneo yaliyoathirika, huku Polisi Kata, ASP Charles Joseph, akieleza hatua zilizochukuliwa katika kuwaokoa wananchi waliokumbwa na mafuriko hayo.

dizzymedia_

Open In TikTok:

Region: TZ

Tuesday 03 November 2026 17:49:16 GMT