@elmarpiriyev_60_: Alman mətbuatından Kərimlinin məhkəməsinə böyük diqqət Almaniyanın dünyaca məşhur nəşrlərindən olan Frankfurter Rundschau AXCP sədri Əli Kərimliyə qarşı məhkəmə prosesinin başlaması ilə bağlı geniş məqalə dərc edib. "Tamamilə əsassız”: Aİ tərəfdaşı Azərbaycanda müxalifət liderinə qarşı bağlı qapılar arxasında prosesi başlayır" başliqlı məqalədə deyilir: "Bakıda müxalif siyasətçi Əli Kərimli çərşənbə axşamı məhkəmə qarşısına çıxarılıb. Ona qarşı irəli sürülən ittihamlar və prosesin keçirilmə şəraiti tərəfdarların, eləcə də Avropa siyasətçilərinin ciddi narahatlığına səbəb olub. Azərbaycan Avropa İttifaqının mühüm ticarət tərəfdaşlarından biridir. Lakin ölkə daxilində İlham Əliyev hökuməti müxalifətə və müstəqil mediaya qarşı sərt siyasətini davam etdirir. Noyabrın 3-də Bakıda tanınmış müxalif siyasətçi Əli Kərimliyə qarşı məhkəmə prosesi başlayıb. “Frankfurter Rundschau” qəzetinin Kərimliyə yaxın çevrədən əldə etdiyi məlumata görə, məhkəmə prosesinin ilk iclası ictimaiyyətin iştirakı olmadan keçirilib. Kərimli və onun partiyadaşlarından olan Məmməd İbrahim hakimiyyəti devirməyə cəhd göstərməkdə ittiham olunurlar. Kərimli isə ilk məhkəmə iclasında ittihamları “tamamilə əsassız” adlandıraraq rədd edib və işə xitam verilməsini tələb edib. Prosesin başlamasına təxminən yarım saat qalmış məhkəmə binasının polis kordonu ilə mühasirəyə alındığı, hətta ailə üzvlərinin də məhkəmə binasına buraxılmadığı, Kərimlinin sədri olduğu Azərbaycan Xalq Cəbhəsi Partiyası tərəfdarlarının isə yaxınlıqdakı metro stansiyası istiqamətinə geri çəkilməyə məcbur edildiyi bildirilir. Məlumata görə, Kərimli məhkəmədə prosesin ictimaiyyət üçün qapalı keçirilməsini kəskin tənqid edib. O bildirib ki, məhkəmə prosesi qapalı şəkildə davam edərsə, gələcək iclaslarda iştirakdan imtina edəcək. Onun tərəfdarları hesab edirlər ki, məhkəmənin bu qərarının arxasında hökumət dayanır və məqsəd hüquqi pozuntuları gizlətməkdir. Azərbaycan: “Ölkədə müstəqil nəzarəti və təşkilatlanmış müxalifəti aradan qaldırmaq” Onilliklərdir fasiləsiz olaraq Əliyevlər ailəsinin rəhbərlik etdiyi Azərbaycan hakimiyyəti siyasi rəqiblərə və vətəndaş cəmiyyətinə qarşı sərt münasibətinə görə ciddi tənqid olunur. “Human Rights Watch” təşkilatının nümayəndəsi Giorgi Qogia avqust ayında redaksiyamıza bildirib: “Azərbaycan hakimiyyəti müstəqil nəzarəti və təşkilatlanmış müxalifəti aradan qaldırmaq məqsədilə davamlı və getdikcə genişlənən kampaniya aparır.” Onun sözlərinə görə, hakimiyyətin hədəfində “müstəqil jurnalistlər, müxalifət siyasətçiləri, insan hüquqları müdafiəçiləri, fəallar və getdikcə daha çox xaricdəki tənqidçilər” var. Avropa siyasətçiləri Əli Kərimliyə qarşı məhkəmə prosesi başlamazdan əvvəl aydın tələblərlə çıxış ediblər. Avropa Xalq Partiyası (EEP) bazar ertəsi Azərbaycanda insan haqları pozuntularını pisləyib, “Əli Kərimlinin həbsindən və işgəncəyə məruz qalmasından” narahatlığını bildirib. Hələ oktyabrın əvvəlində Avropa Parlamenti böyük səs çoxluğu ilə Əli Kərimlinin, hüquq müdafiəçisi Anar Məmmədlinin və jurnalist Anar Abudallayevin həbsini kəskin şəkildə pisləyən qətnamə qəbul etmişdi. Avropa Parlamenti həbsdə olan şəxslərin dərhal azadlığa buraxılmasını, Avropa Xalq Partiyası isə bazar ertəsi Kərimlinin azad edilməsini tələb edib. Kərimlinin partiyası EPP-də müşahidəçi statusu almaq üçün müraciət edib. Əli Kərimli həbsdə pis rəftar və işgəncədən danışıb Kərimli özü yay aylarında redaksiyamıza yazılı müsahibəsində həbsdə qanunsuz rəftar və işgəncəyə məruz qaldığını bildirmişdi. Onun sözlərinə görə, psixi xəstə olduğu güman edilən məhbus onun kamerasına yerləşdirilib, məktubları saxlanılıb və fiziki fəaliyyət imkanları qanunsuz şəkildə məhdudlaşdırılıb. Kərimlinin komandası bildirir ki, sonradan vəziyyət daha da pisləşib. Məsələn, kameranın lazımi şəkildə təmizlənmədiyi qeyd olunur. Bəzi məsələlərdə vəziyyətin müəyyən qədər yaxşılaşdığı, lakin digər təzyiq və pozuntuların davam etdiyi bildirilib. Kərimliyə qarşı məhkəmə prosesinin növbəti DAVAMINI ƏLİ BƏYİN FACEBOOK SƏHFƏSİNDƏN OXUYA BİLƏRSİZ.

elmarpiriyev_60_

Open In TikTok:

Region: AZ

Tuesday 03 November 2026 19:58:16 GMT