💔 ဘောလုံးကွင်းထဲမှာ ဂိုးတွေသွင်းပြီး အိပ်မက်တွေကို အကောင်အထည်ဖော်နေခဲ့တဲ့ ဂျေးဇူး ဒီမီဂယ်လ်အတွက်တော့ ဘောလုံးကစားသမားဘဝဟာ ဒီလောက်စောစော အဆုံးသတ်သွားလိမ့်မယ်လို့ ဘယ်သူမှ မထင်ထားခဲ့ကြပါဘူး။ အသက် ၃၀ အရွယ်သာ ရှိသေးတဲ့ တီနီရီးဖ်တိုက်စစ်မှူးဟာ သူ့ရဲ့အကောင်းဆုံးအချိန်တွေကို စတင်ဖြတ်သန်းနေခဲ့သူပါ။ ပြီးခဲ့တဲ့ရာသီမှာ အသင်းအတွက် ဂိုး ၁၁ ဂိုးသွင်းယူပေးခဲ့သလို အသင်းကိုလည်း စပိန်ဒုတိယတန်းဆီ ပြန်လည်တက်ရောက်နိုင်အောင် ကူညီပေးခဲ့သူ ဖြစ်ပါတယ်။ မက်ဒရစ်မြို့မှာ မွေးဖွားခဲ့တဲ့ ဒီမီဂယ်လ်ဟာ ကစားသမားဘဝတစ်လျှောက် အဆင့်ဆင့်ကြိုးစားရင်း ဒီနေ့လိုအချိန်အထိ ရောက်လာခဲ့သူပါ။ ကလပ်အသင်းအပြောင်းအလဲတွေ၊ အခက်အခဲတွေကြားကနေ သူ့ရဲ့အိပ်မက်ကို လက်မလျှော့ခဲ့ဘဲ နောက်ဆုံးမှာ တီနီရီးဖ်ပရိသတ်တွေရဲ့ ချစ်ခင်အားပေးမှုကို ရရှိခဲ့ပါတယ်။ သူ့အတွက် ဘောလုံးဆိုတာ အလုပ်အကိုင်တစ်ခုထက်ပိုပြီး ဘဝရဲ့အိပ်မက်တစ်ခုလည်း ဖြစ်ခဲ့ပါတယ်။ အိမ်မှာတော့ သူ့ကိုစောင့်နေတဲ့ ဇနီးနဲ့ သမီးငယ်လေးတစ်ယောက်လည်း ရှိနေခဲ့ပါတယ်။ 💔 ဒါပေမဲ့ နိုဝင်ဘာ ၂ ရက်နေ့က အန်ဒိုရာနဲ့ပွဲမှာ ဖြစ်ပွားခဲ့တဲ့ မတော်တဆထိခိုက်မှုဟာ သူ့ဘဝကို အပြီးတိုင် ပြောင်းလဲသွားစေခဲ့ပါတယ်။ ကွင်းထဲမှာ လာရောက်ကြည့်ရှုခဲ့တဲ့ ဇနီးသည်နဲ့ လူမမည် သမီးငယ်လေးရှေ့မှာ လဲကျသွားခဲ့တဲ့ သူ့ကို အသက်ရှင်ဖို့ ဆေးအဖွဲ့က အသည်းအသန်ကြိုးစားခဲ့ကြပေမဲ့ နောက်တစ်နေ့ နိုဝင်ဘာ ၃ ရက် မနက်မှာတော့ ဒီမီဂယ်လ်ဟာ ကွယ်လွန်သွားခဲ့ပါတယ်။အသင်းအတွက် နောက်ထပ်ဂိုးတွေ သွင်းယူဖို့၊ မိသားစုနဲ့အတူ နောက်ထပ်အမှတ်တရတွေ ဖန်တီးဖို့ အချိန်တွေ အများကြီးကျန်နေသေးတဲ့ လူငယ်တစ်ယောက်ရဲ့ အိပ်မက်တွေဟာ ရုတ်တရက် ရပ်တန့်သွားခဲ့တာပါ။ ဘောလုံးကွင်းထဲမှာတော့ သူ့ရဲ့နာမည်နဲ့ သွင်းဂိုးတွေကို ပရိသတ်တွေ မှတ်မိနေကြဦးမှာဖြစ်ပေမဲ့ အိမ်မှာတော့ သမီးလေးအတွက် ဖခင်တစ်ယောက်၊ ဇနီးအတွက် ခင်ပွန်းတစ်ယောက်ရဲ့ နေရာလွတ်ကို ဘယ်အရာကမှ အစားထိုးပေးနိုင်မှာ မဟုတ်ပါဘူး။ ဇနီးသည်နဲ့ သားသမီးတွေရဲ့ ဆုတောင်းဟာ ငါတို့ရဲ့ လင်ယောကျာ်း၊ ငါတို့ရဲ့ ဖခင်က ငွေကြေးအများကြီးနဲ့ အိမ်ပြန်လာဖို့မဟုတ်ပါဘူး၊ အန္တရာယ်ကင်းကင်းနဲ့ အိမ်ပြန်လာပြီး အသိုက်အမြုံလေးကို လုံခြုံစိတ်ချနွေးထွေးမှု ပေးနိုင်ဖို့ပါပဲ။ ဘောလုံးကမ္ဘာကြီးက မင်းရဲ့ မိသားစုကို အနွေးထွေးဆုံးမေတ္တာတရားတွေနဲ့ ကူညီစောင့်ရှောက်သွားမှာမို့လို့ စိတ်ချလက်ချ အနားယူလိုက်ပါတော့ ဂျေးဇူး ဒီမီဂယ်လ်ရေ💔 #cr7 #fangirl #🙏🙏🙏 - @nannweni72