@u.than.lwin03: အရွယ်ရောက်လာတဲ့အခါ လောကကြီးရဲ့ ရှုပ်ထွေးမှုတွေကို ပိုမြင်လာတယ်။ လူတိုင်းဟာ ကိုယ်ထင်သလို မရိုးသားကြဘူး။ စကားလုံးတိုင်းမှာ စေတနာမပါဘူး။ ပြုံးပြတိုင်းလည်း မေတ္တာရှိတာ မဟုတ်ဘူး။ ဒါပေမဲ့ လောကကြီးရဲ့ ရှုပ်ထွေးမှုတွေကို နားလည်လာတာနဲ့အမျှ ကိုယ့်စိတ်ကိုပါ အဲဒီလို ပြောင်းလဲဖို့ မလိုဘူး။ လောကကြီးက မရိုးသားလို့ ကိုယ်ပါ မရိုးသားဖို့ မလိုဘူး။ သူတစ်ပါးက မကြင်နာလို့ ကိုယ်ပါ မကြင်နာဖို့ မလိုဘူး။ ဘဝမှာ ရွေးချယ်စရာတွေ အများကြီးရှိပေမဲ့ ရိုးသားခြင်းနဲ့ ကြင်နာခြင်းကို ရွေးချယ်နိုင်ခြင်းက ကိုယ့်စိတ်ကို ကိုယ်တန်ဖိုးထားခြင်းပဲ ဖြစ်တယ်။ ကိုယ့်ကို စိတ်ဒုက္ခပေးတဲ့သူတွေကိုလည်း မုန်းတီးဖို့ မလိုဘူး။ လက်စားချေဖို့လည်း မလိုဘူး။ တစ်ခါတလေ သူတို့ရဲ့ အပြုအမူတွေဟာ ကိုယ်မဖြစ်သင့်တဲ့ လူတစ်ယောက်ရဲ့ ပုံရိပ်ကို ကိုယ်မြင်အောင် ပြပေးတဲ့ သတိပေးမှန်ချပ်တွေ ဖြစ်တယ်။ ဒါကြောင့် ထိပ်တိုက်တွေ့ပြီး ကိုယ့်စိတ်ကို ပင်ပန်းစေမယ့်အစား ဝေးဝေးနေပြီး ကိုယ့်ဘဝကိုယ် ဆက်လက်ရှင်သန်တာက ပိုကောင်းတယ်။ လူတိုင်းကို နားလည်ပေးဖို့ မလိုဘူး။ လူတိုင်းကို ပြောင်းလဲပေးဖို့လည်း မလိုဘူး။ ကိုယ့်စိတ်ကို မပျက်စီးစေဘဲ ကိုယ့်လမ်းကိုယ် လျှောက်နိုင်ဖို့ပဲ လိုတယ်။ ဘဝထဲကို လူတချို့ ရောက်လာတာဟာ အမြဲတမ်း အတူရှိနေဖို့ မဟုတ်ဘူး။ တချို့က ချစ်ခြင်းကို သင်ပေးတယ်။ တချို့က ခွင့်လွှတ်ခြင်းကို သင်ပေးတယ်။ တချို့ကတော့ဘယ်လိုလူမျိုး မဖြစ်သင့်ဘူးဆိုတာကို သင်ပေးတယ်။ အဲဒီလူတွေရဲ့ အမှားတွေကို ကိုယ့်ဘဝရဲ့ သင်ခန်းစာအဖြစ်ပဲ ထားပါ။ သူတို့လို မဖြစ်ဖို့ သင်ယူပါ။ သူတို့ကြောင့် ကိုယ့်ရဲ့ကောင်းမွန်မှုကို မဆုံးရှုံးပါနဲ့။ နောက်ဆုံးမှာ ဘယ်သူက ဘယ်လိုနေသလဲဆိုတာထက် ကိုယ်ဘယ်လိုလူတစ်ယောက်အဖြစ် ရှင်သန်ခဲ့သလဲဆိုတာက ပိုအရေးကြီးတယ်။ လောကကြီး ဘယ်လောက်ရှုပ်ထွေးပါစေ ကိုယ့်ဘက်ကတော့ ရိုးသားပါ။ လူတွေ ဘယ်လောက်ကြမ်းတမ်းပါစေ ကိုယ့်ဘက်ကတော့ ကြင်နာပါ။ ဒါဟာ အားနည်းခြင်း မဟုတ်ဘူး။ ကိုယ့်စိတ်ကို ကိုယ်မပျက်စီးစေဘဲ အေးချမ်းစွာ ရှင်သန်နိုင်ဖို့ ရွေးချယ်ထားတဲ့ ကိုယ့်ရဲ့ တန်ဖိုးတစ်ခု ဖြစ်တယ်။ လူတိုင်းလည်း ကိုယ်နှစ်သက်တဲ့ ဘဝပုံစံနဲ့ သူတစ်ပါးကို မထိခိုက်စေဘဲ စိတ်အေးချမ်းစွာ ရှင်သန်နိုင်ကြပါစေ....🍀 #စာသားcrd #fyp #viralvideo #view #tiktok Respectfully thank the original author.

Real man

Open In TikTok:

Region: MM

Tuesday 03 November 2026 23:54:01 GMT