@user8323703597500: “သမ္မတကြီးနဲ့ ဒေါ်အောင်ဆန်းစုကြည်တို့က မင်းအောင်လှိုင် ရဲ့ ဥပဒေမဲ့ တောင်းဆိုမှုတွေကို ဘာ့ကြောင့် ညှိနှိုင်းမပေးခဲ့လဲ” ၂၀၂၁ ဇန်နဝါရီ ၂၈ ရက်နေ့မှာ မင်းအောင်လှိုင်က သူကိုယ်တိုင် လက်ရေးနဲ့ ရေးထားတဲ့ စာတစောင်ကို ဒေါ်အောင်ဆန်းစုကြည်ထံ ပို့လိုက်ပါတယ်။ ဒီမတိုင်ခင် သမ္မတကြီးဆီကို ပို့ပါတယ်။ သမ္မတကြီးက ဒါဟာ ဖွဲ့စည်းပုံအခြေခံဥပဒေနဲ့ မညီ ညွတ် ကြောင်း တုန့်ပြန်ပါတယ်။ နိုင်ငံတော်ရဲ့ အထွဋ် အထိပ်နေရာ၌ ရှိသည်လို့ သူတို့ ခြေဥမှာ ပြဋ္ဌာန်းထားတဲ့ နိုင်ငံတော်သမ္မတတယောက်ထံကို အင်္ဂါစဉ် ၈ မှာ ရှိတဲ့ သူတယောက်က အထက်စီးဆန်တဲ့ စာကို ပို့တာဖြစ်ပါတယ်။ ဒီလို ဆွေးနွေးမှုတွေဟာ ၂၀၂၀ နိုဝင်ဘာ ရွေးကောက် ပွဲအပြီးကနေ ဇန်နဝါရီတလလုံး တအုံနွေးနွေးဖြစ်နေတာပါ။ အစိုးရက တိုင်းပြည် နာမှာစိုးလို့ အမျိုးမျိုးအဖုံဖုံ ညှိနှိုင်းပြောဆိုနေခဲ့တာပါ။ ဒါပေမယ့် အာဏာသိမ်းဖို့ ရည်ရွယ်ချက်ရှိပြီးဖြစ်တဲ့ မင်းအောင်လှိုင်ကတော့ ဘယ်လိုပဲ ညှိနှိုင်းဆွေးနွေးပေးစေကာမူ အချည်းအနှီးဖြစ်အောင် လုပ်မှာပါပဲ။ ဒေါ်အောင်ဆန်းစုကြည်ဆီ ပို့လိုက်တဲ့ စာထဲမှာ ရွေး ကောက်ပွဲကော်မရှင်ကို ဖျက်သိမ်းပြီး အသစ်ဖွဲ့ဖို့၊ လွှတ်တော် ခေါ်တာ ဆိုင်းငံ့ဖို့၊ ပြောတဲ့အတိုင်း မလုပ်ရင် ခြေဥအရ ဆက်လုပ်သွားမယ် တနည်း အာဏာ သိမ်းမယ်ဆိုပြီး ခြိမ်းခြောက်ရေးသားထားပါတယ်။ ဒါကို ဒေါ်အောင်ဆန်းစုကြည်ရဲ့ ဆွေးနွေးတဲ့အဖွဲ့က ဥပဒေနဲ့ မညီညွတ်တဲ့ တောင်းဆိုမှုတွေဖြစ်လို့ ဥပဒေအတိုင်းသာ လုပ်ဆောင်သင့်တဲ့အကြောင်းကလွဲပြီး လိုက်လျောမှုမပေးခဲ့သလို လက်ရှိထောင်ကျနေတဲ့ ဗိုလ်ချုပ်တွေပါတဲ့ အဖွဲ့ကို လွှတ်ပြီး ထပ်ပြောခိုင်းပြန်ပါတယ်။ ဒီတခါစာမှာတော့ ရွေးကောက်ပွဲကော်မရှင်ကို တပ်မ တော်က ဦးစီးပြီး ဖွဲ့စည်းဖို့နဲ့ ဒီကော်မရှင်က မဲစာရင်း စစ်ဆေးပြီးမှသာ ကိစ္စတွေကို ဆောင်ရွက်ဖို့ ပြောပါတယ်။ ဒါဟာ သမ္မတနေရာပေးဖို့ ပြောတာနဲ့ အတူတူပါပဲ။ ဘာလို့လဲဆိုတော့ “ရွေးကောက်ပွဲကော်မရှင်ကို သမ္မတကသာ ဖွဲ့စည်းပိုင်ခွင့်ရှိပါတယ်” တကယ်လို့ ဒေါ် အောင်ဆန်းစုကြည်က “တပ်မတော်သဘောအတိုင်း လုပ်ပါလို့ ဆိုလိုက်ရင်လည်း စစ်တပ်က ရွေးကောက်ပွဲကော်မရှင်ဖွဲ့ပြီး မဲစာရင်း စစ်ပါပြီ၊ မဲလိမ်တာတွေ့ပါပြီ ဆိုတဲ့ လမ်းကြောင်းနဲ့ လူထုအစိုးရကို ဖြုတ်ချဖို့” စီစဉ် ထားပြီး ဖြစ်ပါတယ်။ ဒေါ်အောင်ဆန်းစုကြည်က စစ်တပ် တောင်းဆိုချက်အတိုင်း ခွင့်ပေးပြီးမှ ဒီလိုတွေဖြစ်ရင် ဒါဟာ “အာဏာ သိမ်းမှုတောင် မမြည်တော့ဘဲ အရေးယူမှုဖြစ်ပါတယ် ဆိုတာမျိုးနဲ့ အတိုင်းအတာတခုအထိ မင်းအောင်လှိုင် အနေနဲ့ နိုင်ငံတကာရဲ့ တရားဝင်မှုကိုပါ ရသွားမှာ ဖြစ် ပါတယ်။ မင်းအောင်လှိုင်တောင်းဆိုချက်တွေကို မလိုက်လျော ပေးခဲ့တာက ဘာကွာသွားနိုင်ပါသလဲ မေးရင် သမ္မတ ဦးဝင်းမြင့်ရဲ့ အစိုးရသက်တမ်းက မတ်လကုန်မှ ပြည့်မှာဖြစ်တာကြောင့် အခုပုံစံနဲ့ အာဏာသိမ်းလိုက်တာဟာ သူတို့ရဲ့ အာဏာသိမ်းမှု တရားဝင်ခြင်း မရှိ၊ ပုန် ကန်ဖောက်ဖျက်မှု မြောက်တယ်ဆိုတာ ယနေ့အထိ ကမ္ဘာသိဖြစ်စေသွားခဲ့ပါတယ်။ ဒေါ်အောင်ဆန်းစုကြည်က လက်မခံ ဆွေးနွေးဖို့ မရှိကြောင်း တုန့်ပြန်လို့ ဗိုလ်ချုပ်တွေက “ခင်ဗျားတို့တွေ လူပါးဝလှချည်လား” လို့ ကြိမ်းမောင်းပြီး ပြန်သွားခဲ့ကြပါတယ်။ ဇန်နဝါရီ ၂၈ ည မှာ ဒေါ်အောင်ဆန်းစုကြည်က ရုပ်သံကနေ ပြည်သူကို မိန့်ခွန်းပြောကြားပါတယ်။ ဒါဟာ ၂၀၂၁ ဖေဖေါ်ဝါရီ ၁ ရက်နေ့ စစ်အာဏာသိမ်းမှု မတိုင် မီ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် ရဲ့ နောက်ဆုံး မိန့်ခွန်းပါ။ မိန့်ခွန်းအဆုံးမှာတော့ … “ပြည်သူသာ အဓိကဆိုတာ ကျမ ထပ်တလဲလဲ‌ ပြောပါတယ်။ ပြည်သူမပါဘဲနဲ့ ဘာမှ အောင်မြင်နိုင်မှာ မဟုတ် ပါဘူး။ ပြည်သူသာလျှင် အဓိကဆိုတာ ဘယ်တော့မှ မမေ့ပါနဲ့” လို့ ပြောပြီး နိဂုံးချုပ်သွားခဲ့ပါတယ်။ စစ်တပ်ရဲ့ ရှေ့လူထက်ဆိုးတဲ့ ရာဇဝင်သမိုင်းအရဘယ် လိုနေနေ ဒီနေ့အချိန်ကို ရှောင်မရနိုင်တာ မြန်မာနိုင်ငံရဲ့ အရှိတရားပါ။ ဒီလိုမဖြစ်အောင် ၂၀၁၂၊ ၂၀၁၅ တို့မှာ ဒေါ်အောင်ဆန်းစုကြည်ဟာ အမျိုးမျိုးအဖုံဖုံသော ညှိနှိုင်းမှုတွေ လုပ်ခဲ့ရ အချိန်ယူခဲ့ရပါတယ်။ ဒါပေမဲ့ မူနဲ့ စည်းဆိုတာ ရှိခဲ့ပါတယ်။ သူမ လုပ်ခဲ့သမျှဟာ စစ်အာဏာရှင်တွေလို မူမဲ့ စည်းပျက် မဟုတ်ခဲ့ပါဘူး။ #AungSanSuuKyi #UWinMyint #စစ်အာဏာသိမ်းမင်းအောင်လှိုင်

အနီရဲသစ္စာ🛑🚩🦚

Open In TikTok:

Region: TH

Wednesday 04 November 2026 05:55:43 GMT