خوا گیان ئەوەندە کەوتم ئەژنۆم فێری زمانی زەوی بوو پێش ئەوەی تەمەن داوام لێ بکات خەمی ڕۆژەکان چاندمی،ئیلاهی چۆکدادان لەبەردەم تۆدا شانازییە بەڵام بۆ پیاوێک کە سەرزمانی بووە بە کێڵگەیەک لە خوێ چۆن بتوانێت برینەکانی لەهەمان شوين بڕوێنێت تا نیشانی تۆی بدات،ئەیی خودا ئەمڕۆ دەستەکانم بەتاڵن لە لوتبەرزی هەرچی غرورم هەیە وەک پێڵاوێکی کۆن فڕێمداون بەپێی خواسی لە دەرگاکەت وەستاوم هاتووم پێت بڵێم داوای ئەو شتانەت لێ بکەم کە هەتن گۆشەیەک لە ئارامییەکەت بۆ پشوودان بە بیرە ماندووەکەم،ڕانەهاتووم لە بێدەنگیدا بژیم چونکە کاتێک هەموو سوچێکی بوونم دەیەوێت هاوار بکات بێدەنگی دەگۆڕێت بە چەقۆ بەدرێژای کات خەریکی بڕینی هەناسەکانمە کەواتە بێ ئەوەی شتێک بڵێم دەزانم کە تۆ تێدەگەی دڵنیام لێرەیت و بوونت بەسەرمانەوە هەیە فەرمان بدە کە ئەم ژیانە تۆزێک هێواشتر بەسەرمدا بڕوات، بیستوومە کە هێزی تۆ زیاترە لە دەریا بۆیە لەم سەردەمی خنکانی هیوایەدا تەنیا پەنجەیەکی تۆ بەسە تا جارێکی تر بە کەنار بگەمەوە،خوایە گیان منێکی بێ پەنا پەنام بۆ تۆ هێناوە دەستم بگرە من ونبووم تۆ جێم مەهێڵە.#tom #acc #bnn - @t0meee.0