@leen.aljord: ⁨ طفلك عم يتعلّم منك كيف يحصل على اللي بده ياه! لما كل مرة يبكي أو يصرخ، تنفّذي طلبه بس حتى يوقف، إنتِ من دون ما تنتبهي عم تعلّميه إن هاي هي الطريقة اللي بتجيب له النتيجة. إذا كان بكاؤه شديد وما عاد قادر يتجاوب معك، لا تستعجلي بتنفيذ طلبه حتى يوقف. ضلّي قريبة منه، وفهمّيه إنك فاهمة شو بده، وانتظري لحتى يهدأ وتمرّ موجة الانفعال، حتى لو أخدت وقت. وبمجرد ما يهدأ ويصير قادر يتواصل معك، وجّهيه كيف يطلب اللي بده ياه بطريقة مناسبة. بعرف إن هالشي ممكن يكون صعب بالبداية، خصوصاً إذا كان متعوّد إن البكاء والصراخ بيوصلوه للي بده ياه. بس هون تحديداً بيجي دورك: تضلي هادية وثابتة، وما تستجيبي للصراخ بتنفيذ الطلب، إذا بدك طفلك يتعلّم يطلب بطريقة مختلفة، ويبطل يلجأ للبكاء والصراخ كل ما احتاج شي. وبنفس الوقت، لا تتركي طفلك لحاله مع مشاعره. احتويه، وضلّي قريبة منه، وساعديه يتجاوز انفعاله. ومع تكرار هالاستجابة وثباتك عليها، رح يتعلّم تدريجياً إن البكاء والصراخ مو الطريقة اللي بتوصّله للي بده ياه، وإنه في طريقة تانية بتسمعيه وبتفهميه من خلالها. تذكّري: كل مرة بتستجيبي لطفلك، إنتِ مو بس عم تتعاملي مع موقف لحظي، إنتِ عم تساهمي بتشكيل الطريقة اللي رح يتواصل فيها معك بالمستقبل. #تربية #امهات_تيك_توك #اطفال_التيك_توك #صراخ #بكاء

Leen.aljord

Open In TikTok:

Region: FR

Wednesday 04 November 2026 19:24:41 GMT