@german_marshal: - ⚡ جەنگی بروسکە نهێنیی پێشڕەویی خێرای ئەڵمانیا لە جەنگی جیهانیی دووەمدا . • جەنگی بروسکە (Blitzkrieg) شێوازێکی جەنگکردنی خێرا و هاوئاهەنگ بوو کە ئەڵمانیا لە سەرەتای جەنگی جیهانیی دووەمدا بەکاری هێنا ، ئامانجی ئەوە بوو پێش ئەوەی دوژمن بتوانێت خۆی ڕێک بخات، هێز و بەرگرییەکانی بشکێنرێت. بیرۆکەکە هی کێ بوو؟ • ئەم شێوازە داهێنانی یەک کەس نەبوو لەسەر بنەمای بیرۆکە و ئەزموونی سەربازیی پێشوو پەرەی سەندوو ، بەڵام ژەنەڕاڵ هاینتس گودێریان (Heinz Guderian) یەکێک بوو لە گرنگترین کەسانی پەرەپێدەر و جێبەجێکەرەکانی ، ئەو گرنگیی بەکارهێنانی هاوئاهەنگیی تانک، هێزی پیادەی لەگەل هێزی لۆفتوافەی و واتا هێزی ئاسمانی دەدا . - چۆن کاری دەکرد؟ • لەبری ئەوەی جەنگ ببێتە شەڕێکی درێژخایەنی خەندەقی، تانکەکان بە خێرایی هێرشیان دەکردە ناو هێڵی بەرگریی دوژمن، فڕۆکەکان پشتیوانییان دەکرد و هێزە پیادەکانی ئۆتۆمبێل‌سوار بەدوایاندا پێشڕەویان دەکرد. ئەم هاوئاهەنگییە دەرفەتی ڕێکخستنەوەی هێزەکانی لە دوژمن دەگرتەوە. • فەرەنسا وەك نموونەیەکی کاریگەر • لە ١٠ی ئایاری ١٩٤٠دا، ئەڵمانیا هێرشی کردە سەر فەرەنسا و هاوپەیمانەکانی ، بەشێکی گرنگی هێرشەکە لە ڕێگەی دارستانی ئاردێنەوە بوو ، شوێنێك کە هاوپەیمانان بەهۆی سروشتی ناوچەکەوە پێیان وابوو هێرشی گەورەی تانک لێیەوە ئەستەمە ، هێزە زرێپۆشەکانی ئەڵمانیا لە نزیک سێدان لە ڕووباری مێوز تێپەڕین و پێشڕەویی خێرایان کرد تا لە ٢٠ی ئایار گەیشتنە کەناری دەریای مانش. • بەم شێوەیە هێزەکانی بەریتانیا و فەرەنسا لە یەکتر جیا کرانەوە و بەرگریی فەرەنسا بە خێرایی تێکچوو. ، لە ٢٢ی حوزەیرانی ١٩٤٠دا فەرەنسا ڕێککەوتنی ئاگربەستی لەگەڵ ئەڵمانیا واژۆ کرد. - کاریگەریی جەنگی بروسکە • ئەم شێوازە لە سەرەتای جەنگدا سەرکەوتنی خێرای بۆ ئەڵمانیا بەدەستهێنا و شێوازی جەنگکردنی لە ئەورووپا گۆڕی ، بەڵام لە دواتردا، بە تایبەتی لە جەنگی درێژخایەنی دژی یەکێتیی سۆڤیەت، فراوان بونی بەرەکان و لاواز بونی هێزەکانی ئەلمانیا ئەم تەکنیکەش لەگەلیا لاواز بوو چونکە سەرکەوتنی خێرا هەمیشە بە مانای سەرکەوتن لە جەنگێکی درێژخایەن نییە. @Hiwa ✍🏻. 📌 تێبینی: ئەم ناوەڕۆکە تەنها بۆ مەبەستی ئەرشیفی، ناساندنی ڕووداوە ڕاستەقینەکانی مێژووی سەربازی و لێکۆڵینەوەیە، و هیچ ئاراستەیەکی سیاسی لەخۆ ناگرێت. #جەنگی_بروسکە #Blitzkrieg #مێژووی_ئەڵمانیا #جەنگی_جیهانیی_دووەم #ڕاستییەکانی_مێژوو

ڕاستیەکانی مێژوو

Open In TikTok:

Region: IQ

Wednesday 04 November 2026 19:56:07 GMT