@kegen_audany_akim: Қайыңды көліне апаратын автомобиль жолының ашылу салтанаты өтті Кеген ауданындағы туризмді дамытуға бағытталған маңызды жобалардың бірі – Қайыңды көліне апаратын 10 шақырым автомобиль жолының жаңартылған бөлігі пайдалануға берілді. Табиғатының қайталанбас сұлулығымен танылған Қайыңды көліне апаратын жолдың жаңаруы – өңірдің туристік әлеуетін арттырып, тұрғындар мен саяхатшылар үшін қолайлы жағдай жасауға бағытталған маңызды қадам. Салтанатты ашылу рәсіміне Кеген ауданының әкімі Таңат Есенкелдіұлы Айдарбеков, «СЕРВИС НС» ЖШС директоры Жандос Сарсенбекұлы Шохшин, «Кереге ТрансСервис Групп» ЖШС директоры Нұрлан Қуанышбайұлы Сүйінуллаев, «Көлсай көлдері» мемлекеттік ұлттық табиғи паркінің басшылығы, мердігер ұйым өкілдері мен ауыл тұрғындары қатысты. Шара барысында аудан әкімі Таңат Есенкелдіұлы құттықтау сөз сөйлеп, жол құрылысына атсалысқан азаматтарға алғысын білдірді. Сондай-ақ, мердігер ұйым өкілдеріне аудан әкімінің Алғыс хаттары табысталды. Салтанатты рәсім ақсақалдың батасымен жалғасып, жол қозғалысының символикалық ашылуымен түйінделді. Бұл игі бастама Қайыңды көлінің туристік тартымдылығын арттырып, өңір экономикасының дамуына серпін бермек.#рекомендации #халық #туризм #жол #ауыл

2937

There are no more comments for this video.

To see more videos from user @kegen_audany_akim, please go to the Tikwm homepage.