@kenderli_press: Түркменстанмен арадағы күре жол жөнделіп жатыр Елімізді Түрікменстанмен жалғайтын Маңғыстау облысындағы «Жетібай - Жаңаөзен - Кендірлі - Түрікменстан шекарасы» күрежолының 50 шақырымдық учаскесінде (179-229 км) күрделі жөндеу жұмыстары жүріп жатыр. Жоба құрылысы 2027 жылы аяқталады деп күтілуде. Бұдан кейін көрші елмен арадағы жүру уақыты екі есеге қысқармақ. Былтыр жазда басталған жоба құрылысына 132 арнайы техника тартылған. Екі жүздей жұмысшы екі ауысыммен қызмет атқаруда. Барлығы - жергілікті тұрғын. Қазір 50 шақырым аумақта жер жұмыстары аяқталып, қиыршықтас-құм қоспасы және геотекстиль салынды. Жолдың төменгі жабын қабатына ірі түйіршікті асфальтбетон төселген. Мамандар 100% отандық құрылыс материалдарын қолдануда. Республикалық маңыздағы жолды жаңғырту еліміздің Түрікменстан, одан әрі Иран бағытында транзиттік әлеуетін арттырып, Кендірлі курорттық аймағын дамытуға серпін береді деп күтіледі. Бұған дейін транзит жүк таситын көліктер осы аумақтан 6-8 сағат аралығында жүріп өтсе, ендігі кезек арақашықтық 2-2,5 сағатқа дейін қысқарады. Жоба аясында жүргізушілер мен жолаушылардың тынығуы үшін жол сервистік нысандары бой көтереді. Мемлекет басшысы биылғы Жолдауында «Қазақстан тек транзиттік аумақ қана емес, халықаралық жүк ағындарын ұйымдастырушы ел болуы тиіс», - деді. Республикалық және жергілікті жолдардың сапасына жауапкершілікпен қарауды міндеттеп, барлық автомобиль шекаралық өткізу нысандарын қайта жаңғырту жобаларын 2027 жылы аяқтауды тапсырды.

Kenderli_press

Open In TikTok:

Region: KZ

Thursday 05 November 2026 05:47:03 GMT