@durshom2: # ‎Guro #ustad 🥀🌹ھما کہ سنگر ءَ دار اَنت ‎ھما چہ میتگ ءَ گار اَنت ‎پہ ھاک ءَ مھلبیں ڈیھ ءَ ‎پہ لَج ءُ گیرت ءُ ننگ ءَ ‎ مُدامی ساڑی اَنت جنگ ءَ ‎ اے کوھاں سیاجی ءِ بُرزیں ‎دڑامب ءِ مُھکمیں چیدگ ‎پہ میران ءَ زر اَنت مرچی ‎امان ءَ گیر کاران اَنت ‎زھیریگ اِنت پد ءَ سْرکن ‎وداریگ اِنت پہ تو جالبار ‎ابیتکیں کُلبر ءِ آپ ریچ ‎ ‎تلانگیں شیھو ءِ یاتاں ‎بلوچ ءِ تَنگوئیں براتاں ‎ پہ ڈیھ ءَ ندر ءُ ھیراتاں ‎من کُربان پہ ایشاں باتاں ‎ ‎دمانے مھروان اتکیں ‎پد ءَ اوتاک ءَ یک رندے ‎مجید ءَ گوں کُتیں ٹھکے ‎جمالیں ناکو ابراھیم ‎شھید ممتازیں بالو جان ‎سنا جانیں مئے ھمبل ‎زمین ءِ سینگ ءَ کَل اَنت ‎ابدمان اَنت پہ باندات ءَ ‎شھیداں پہ وتی راج ءَ ‎ ‎ ‎جمال جان مھروانیں دوست ‎نو اسلم پھک ءَ بے چاڑ اِنت ‎سَنا نوں گوں وت ءَ نشتگ ‎کہ دودا نشتگ پُرسگ اِنت ‎شھیداں گیر کاران اِنت ‎ ‎کہ وھدے سنگر تھنا بیت ‎اے درستیں کار بے مانا ‎اے بے متلب اے ھُشکیں جاک ‎مئے ھمبل رپتگیں رپت اَنت ‎بس یات ءُ گیر پشکپت اَنت ‎ ‎نواب ءِ اے ودارانی ‎نہ بیت شپ نوں کدی آسر ‎زراب گوں ترانگ ءُ یاتاں ‎نبیس اِیت پُرشتگیں گالاں ‎زراب دشتی @ماھو بلوچ🌸

وَدار

Open In TikTok:

Region: PK

Thursday 05 November 2026 09:16:04 GMT