@user7473620777200: يا جماعة، خلونا نتكلم عن الأطفال البشتغلوا في الشوارع الطفل مكانو الطبيعي المدرسة، ومكانو الطبيعي يعيش طفولتو، يلعب، يتعلم ويحلم بمستقبل أحسن، ما يكون شايل همّ لقمة العيش وهو لسه في العمر المفروض الناس تشيل فيهو همّو. الطفل البشتغل ما بنقص من قيمتو، بالعكس، ده طفل ممكن يكون شايل مسؤولية أكبر من عمرو، ويمكن الظروف أجبرتو يعمل حاجات أكبر من سنّو. ما تحتقروا طفل بسبب شغلو، وما تسخروا منو، وما تكسروا خاطرو بكلمة. عاملوا الأطفال ديل باحترام ورحمة، لأنو كل طفل فيهم عندو كرامة، وعندو أحلام، ومن حقو يعيش طفولتو زي باقي الأطفال. الطفل ما محتاج شفقة ساكت، محتاج احترام، فرصة، تعليم، وحماية. خلونا نكون مجتمع بسند أطفالو، ما مجتمع بحاكمهم على ظروفهم. وربنا يفرّجها على كل طفل اضطر يشتغل عشان يعيش. ❤️🇸🇩