@takyk.com.tm: #takyk #Türkmenistan #ulag #awtomobilýoly #AşgabatDaşoguz Aşgabatdan Daşoguza barýan täze ýol gurlar! 4-nji noýabrda Aşgabat — Daşoguz täze awtomobil ýolunyň gurluşygyna badalga berildi. Hormatly Prezidentimiz Daşoguz welaýatyna iş saparynyň dowamynda bu iri taslamanyň düýbüni tutmak dabarasyna gatnaşdy. 546 kilometrlik täze ýol ýurduň demirgazyk sebitini paýtagt bilen birleşdirer we Demirgazyk — Günorta halkara ulag geçelgesiniň mümkinçiliklerini giňelder. Gurluşyk işleri dört tapgyrda alnyp barlar. Ýoluň käbir böleklerinde 8, 6 we 4 hereket zolagy göz öňünde tutulýar. Taslamanyň çäklerinde Naýzalydepiz oýtumynda 812 metr uzynlykdaky döwrebap awtomobil köprüsi gurlar. Şeýle hem öňden bar bolan 9 köpri täzelener. Ýoluň ugrunda 136 sany awtobus duralgasy, 13 sany awtoduralga meýdançasy we polisiýanyň ýol gözegçiliginiň 7 nokady dörediler. Täze ýol wideogözegçilik we tizlik ölçeýji enjamlar bilen hem üpjün ediler. Taslamanyň durmuşa geçirilmegi Aşgabat bilen Daşoguzyň arasyndaky gatnawy ýeňilleşdirer, ýolagçylaryň we ýük ulaglarynyň hereketini çaltlandyrar. Şeýle hem goňşy döwletler bilen söwda-ykdysady gatnaşyklary ösdürmäge ýardam eder. Bu barada «Türkmenistan» gazetinde habar berildi.

TAKYK

Open In TikTok:

Region: NL

Thursday 05 November 2026 10:02:53 GMT