#ሰመረ💪 #ትብፃሕ_ናብ_ጀነራል_ከበደ_ፍቓዱ_ኣብ_ዘለኻዮ🙏 ቅድሚ ሒደት ዓመታት ኣብ ዝገበርናዮ ነዊሕ ቃለመሕትት ምስ ተጋዳላይ #ሰመረ_ተኹሉ ኣብ ብዙሓት ዓውደ ውግኣት ሓቢርኩም ፀላኢ ከምዝደምሰስኩም ኣዋጊዕኻኒ ኔርካ።ንሱ ጥራሕ ኣይኮነን፤ተጋዳላይ ሰመረ ካብ ብዙሓት ክባታት ፀላኢ ከምዘውፀአካን ናይ ሰመረ ተኹሉ ጅግንነትን ቆራፅነትን ቆፂርካ ሰፊርካ ከምዘይውዳእን'ውን ብኣንደበትካ ኣዕሊልካኒ ኔርካ ኣብቲ ዝገበርናልካ ቃለመሕትት። ብፍላይ እታ ታሕሳስ 2013 ዓ/ም ላዕለዎት ፖለቲካዊ መራሕቲ ማለት'ውን ንበዓል ጌታቸው ረዳ፣ጌታቸው ኣሰፋ፣ሞንጀሪኖ፣ኣለም ገብረዋህድ፣ኢሳያስ ታደሰን ካብ ከባቢታት ጅራ ሒዝካ ናብ ማይ ቅነጣል እንትትሰግር ብጣዕሚ ተጨኒቕካን ፀልሚቱካን ከምዝነበረን ኣብ ናይ ምግዳል ሂወትካ ከም ሽዑ ፈሪሕኻ ከምዘይትፈልጥን፤ዳሕራይ ግና ኣብ ከባቢታት #ሶፊ ተጋዳላይ ሰመረ ኣሃዱኡ ሒዙ ምስተፀምበረካ ከምዝተሓጎስካን ኩሉ ነገር ቅልል ከምዝበለካን ዘዕለልካኒ ዛንታ ፈፂመ ኣይርስዓን። ንስኻ ንክፍለሰራዊት ኣግኣዚ መሪሕኻ ተጋዳላይ ሰመረ ንክፍለሰራዊት ሓውዜን መሪሑ ካብ ጅራ ክሳብ ወርቀዲኖ፤ካብ ቆቦ ክሳብ ጋሸና ዘካየድኩምዎ ናይ ምትእስሳር ውግእ ኣዕሊልካኒ ብናይ ክልቴኹም ምትእስሳርን ቃልኪዳንን ተገሪመ ኣዳሚፀካ። ናይ ሰመረ ጥራሕ ዘይኮነስ ዋላ ናትካ፤ ጅግንነትኩምን ቅያኹምን ፅሒፍካ ተንቲንካ ኣይውዳእን።ምስ ክልቴኹም ሰፊሕ ቃለመሕትት እየ ኣካይደ።ታሪኽኩም፣ቅያኹምን ጅግንነትኩምን ብጣዕሚ እዩ ዝምስጠኒ ነይሩ። የካቲት 15/2013 ዓ/ም ኣብ ከባቢታት ሳምረ ጣብያ ቀይሕ እምባ ቁሸት ክሳድ ገብርኤል ዶ.ር ደብረፅዮን ዝሓዞም ኩሎም ፖለቲካዊ መራሕቲ ከምኡ ድማ ንጀነራል ወዲ ወረደን ጀነራል ፃድቃንን ሓዊሱ ኩሎም ወታደራዊ መራሕትን ምስ ኣርምታት ክልተን ኣርባዕተን ኣብ ሙሉእ ክባ ኣትየን ተጋዳላይ ሰመረ ነታ ባዕሉ ዘጣየሻ ሓውዜን እትበሃል ጅግና ክፍለሰራዊት ሒዙ ምስ 7 ክፍላተ ሰራዊት ሻዕብያ ፊት ንፊት ገጢሙ ሙሉእ መዓልቲ ተዋጊኡ ቃልሲ ህዝቢ ትግራይ ከምዘድሓነ ንስኻ ኢኻ ኣጉሊህኻ ዝነገርካኒ።ብርግፅ ኩሎም ወታደራውን ፖለቲካውን መራሕቲ ነዛ ተጓንፎ ይገልፁዋ እዮም።ናትካ ኣገላልፃ ግና ትፍለ እያ ነይራ። "ተጋዳላይ ሰመረን እታ ንሱ ዝመርሓ ክፍለሰራዊት ሓውዜንን ሽዑ እቲ ጅግንነት እንተዘይፍፅሙዎ ቃልሲ ህዝቢ ትግራይ ዘይክቕፅል ይኽእል ነይሩ እዩ።" ኢልካ ቃል ብቓል ገሊፅካዮ ምንባርካ እዝክር።ተጋዳላይ #ሰመረ ነታ ውሑድ ሓይሊሰብ ዝነበራ ክፍለሰራዊት መሪሑ ምስ 7 ክፍላተሰራዊት ሻዕብያ ምስ መካናይዝዶም ገጢሙ ሙሉእ መዓልቲ ቀጥ ኣቢሉዎም ከምዝወዓለን ኣሃዱታትናን መራሕትናን ናብ ውሑስ ቦታ ክሳብ ዘንሳሕቡ ተኣምር ሰሪሑ ከምዝሰዓበኩም ኣዕሊልካኒ ኢኻ። ስማዕ'ባ ጀነራል ከበደ ፍቓዱ፦ ብፖለቲካ ኣኹሪፍካ ካብ ጎድኒ ሰመረ ዋላ እንተረሓቕካ☝️ ከምቲ ተጋዳላይ ሰመረ ካብ ክባታት ዘውፀአካ ዋላ እንተዘየውፃእኻዮ☝️ ከምቲ ውግእ ፃዕፂዑካ ኣሃዱኡ ሒዙ ዝበፀሐልካ ዋላ እንተዘይበፃሕኻሉ☝️ ምስ ፀላኢ ወጊንካ ናይ ፒፒ ክፍላተ ሰራዊት መሪሕኻ ነቲ ካብ ክባታት ፒፒን ሻዕብያን ዘድሓነካ ብፃይካ ክትከብብን ክተሳድዶን ኢኻ ኢለ ሓሲበዮን ኣስተንቲነዮን ኣይፈልጥን😢 እሞማ☝️ከምታ ባዕልኻ "ሰመረን ደቂ ክፍለሰራዊት ሓውዜንን ኣብ ምቕፃል ቃልሲ ህዝቢ ትግራይ ዓብዪ ተራ ነይሩዎም" ዝበልካኒ፤እቲ ሽዑ ዝቐፀለ ቃልሲ ህዝቢ ትግራይ ንሎሚ በፂሑ ክኽበስ እዩ ኢልካ ትሓስብ እንተኾይንካ ንህዝቢ ትግራይን ነቲ እትመርሖ ዝነበርካ ቲዲኤፍን ኣይፈለጥካዮምን። እዛ መልእኽቲ ከም እትበፅሐካ በዓል ሙሉእ ተስፋ እየ🙏 © Haftom Ze Eyesus Gedam - @solodasoloda14