@ahmed_galal_padi_instr: ليه كل منظمات الغوص متفقة إن أقصى عمق للغوص الترفيهي 40 متر (130 قدم)؟ 🤔 الرقم ده ما جاش صدفة… وراه حكاية 👇 الحكاية بدأت من أكتر من 100 سنة، مع جداول البحرية الملكية اللي جات من خلفية عسكرية، ثم جاء العالم جون سكوت هالدين. هو أول واحد عمل نموذج رياضي يحسب قد إيه يقدر الغواص يقعد تحت المية من غير ما يتعرض لمرض تخفيف الضغط. الجداول ومع الوقت، منظمات الغوص الترفيهي أخدت المعيار ده واعتمدته بدون تعديل. ✍️ 👈 بس السؤال الأهم: هل الرقم ده منطقي فعلاً؟ الفيزياء هي اللي بتجاوب 👇 🫧 أولاً: الهوا اللي معاك (قانون بويل) كل ما تنزل، الضغط بيزيد وحجم الهوا بيقل. إسطوانة 12 لتر معبئة 200 بار فيها 2400 لتر هوا على السطح. معادلة حسابية: 12 لتر × 200 بار = 2400 لتر هواء على 40 متر (5 بار) 2400 لتر هواء يصبحوا 480 لتر بس. يعني كل نفس بتاخده هناك بيسحب من الإسطوانة 5 أضعاف اللي بيسحبه على السطح. يعني كل ما أغوص أعمق الضغط والكثافة هتزيد وحجم الهواء هيقل. 🧠 ثانياً: النيتروجين (قانون دالتون) الهوا فيه 21% أكسجين و78% نيتروجين، والضغط الجزئي لكل غاز بيزيد مع العمق. على 40 متر، ضغط النيتروجين الجزئي بيوصل حوالي 3.9 بار. هنا تخدير النيتروجين بيبقى واضح جداً: تفكير أبطأ، وقرارات أغلط، وإحساس بثقة مش في محلها. ☠️ ثالثاً: الأكسجين نفسه (قانون دالتون) الأكسجين بيبقى سام لما ضغطه الجزئي يعدي 1.6 بار، وده بيحصل مع الهوا العادي على عمق حوالي 66 متر. على 40 متر الضغط الجزئي للأكسجين 1.05 بار، يعني لسه في الأمان. 💧 رابعاً: النيتروجين في جسمك (قانون هنري) كل ما الضغط يزيد، النيتروجين بيذوب في جسمك أكتر. وكل ما تنزل أعمق، وقت الغوص من غير توقفات تخفيف الضغط بيقصر جداً، والطلوع بيحتاج حسابات ودقة. الخلاصة؟ 40 متر مش رقم عشوائي. ده الحد اللي بعده الغوص بيتغير من "ترفيهي" لـ"تقني"، وبيبقى محتاج تدريب من نوع خاص وتخطيط للغاز ومعدات مختلفة. أحمد جلال – مدرب غوص PADI لو المعلومة فادتك، ابعتها لصاحبك الغواص 🤿 📲 تابعنا لمعلومات أكتر عن الغوص: Facebook: https://www.facebook.com/profile.php?id=61557070555180 Instagram: https:// www.instagram.com/ oxygen_scuba_diving TikTok: https://www.tiktok.com/@oxygen_scuba_diving 💬 لو حابب تسأل عن الكورسات: WhatsApp: https://wa.me/message/37XFORI5DKILD1 ⭐ آراء المتدربين: https://g.page/r/CairNEt-8YnREBE/review
