@tribunaaz: Azərbaycanda bəzi iş yerlərində saatlıq əməkhaqqı sisteminin tətbiqi və hər iş saatı üçün minimum ödəniş məbləğinin müəyyənləşdirilməsi təklif olunur. Bu dəyişikliklər Əmək Məcəlləsinə dəyişiklik edilməsi haqqında qanun layihəsində əksini tapıb. İqtisadçı Natiq Cəfərli bildirib ki, bunun üçün ilk növbədə ayrıca qanunvericilik bazası yaradılmalıdır. Onun sözlərinə görə, hazırkı 400 manatlıq minimum aylıq əməkhaqqı beşgünlük iş həftəsi və gündəlik 8 saatlıq iş rejimi əsasında hesablandıqda, bir saatlıq ödəniş 2 manatdan bir qədər çox edir. İqtisadçı bu məbləğin işçilər üçün cəlbedici olmayacağını düşünür. Digər iqtisadçı Xalid Kərimli isə minimum əməkhaqqının 2027-ci ildən 15 faiz artırılmasının gözlənildiyini bildirib. Onun sözlərinə görə, yeni sistemdə aylıq minimum əməkhaqqı iş saatlarına bölünərək minimum saatlıq ödəniş müəyyən ediləcək və bu həddən aşağı maaş vermək mümkün olmayacaq. Kərimli qeyd edib ki, minimum əməkhaqqı dövlətin müəyyən etdiyi ən aşağı ödəniş həddidir. İşçinin daha yüksək maaş tələb etmək imkanı isə əmək bazarındakı vəziyyətdən və iş yerlərinin mövcudluğundan asılıdır. Minimum əməkhaqqı müəyyən edilərkən inflyasiya, əmək məhsuldarlığı, iqtisadi artım və şirkətlərin maliyyə imkanları da nəzərə alınır. #tribuna #tribunaaz #xeber #xeberler #haber #haberler

Tribuna.az

Open In TikTok:

Region: AZ

Thursday 05 November 2026 12:32:54 GMT