@kohkhkxq54y: កូនដល់ទៅ ១៧នាក់! ពេលនេះអ្នកម៉ាក់ដ៏កម្សត់នៅខេត្តពោធិ៍សាត់ ទទួលបានការឧបត្ថម្ភហើយ សូមអបអរសាទរផង! អ្នកម៉ាក់ដែលមានកូនច្រើនជាងគេម្នាក់នៅស្រុកខ្មែរ (កូន១៧នាក់ ស្លាប់៥នាក់) រស់នៅភូមិបឹងខ្នារ ស្រុកបាកាន ពេលនេះទទួលបានការជួយជ្រោមជ្រែងទាំងអង្ករ ម្ហូបអាហារ និងថវិកាប្រចាំខែពីថ្នាក់ដឹកនាំហើយ។ កាលពីថ្ងៃទី៥ ខែវិច្ឆិកា ឆ្នាំ២០២៦ លោក សេង ទៀង នាយករងខុទ្ទកាល័យសម្តេចធិបតី បានចុះទៅជួបគាត់និងកូនៗផ្ទាល់ដល់ផ្ទះ ថែមទាំងបានរៀបចំអាហារយ៉ាងឆ្ងាញ់ឱ្យហូបជុំគ្នា ម្នាក់ៗហូបឡើងជក់មាត់តែម្តង។ ជីវិតគាត់កន្លងមកកម្សត់ណាស់ គាត់រៀបការតាំងពីអាយុ ១៦ឆ្នាំ ហើយឥឡូវអាយុ ៤៧ឆ្នាំហើយ។ កាន់តែអភ័ព្វទៀតនោះ គឺប្តីបានរត់ចោលទៅយកប្រពន្ធថ្មី បណ្តោយឱ្យគាត់ចិញ្ចឹមកូនក្នុងភាពខ្វះខាតបំផុត សូម្បីតែបាយម្ហូបក៏មិនសូវមានគ្រាន់ដែរ។ តែពេលនេះ ប្តីគាត់បានត្រឡប់មកវិញហើយ។ ក្នុងឱកាសនោះដែរ លោក សេង ទៀង ក៏បានសួរទៅកាន់ប្តីគាត់ចំៗដែរថា ហេតុអ្វីបានជាដាច់ចិត្តរត់ចោលប្រពន្ធកូនឱ្យលំបាកបែបនេះ? សូមអរគុណដល់បងប្អូនអ្នកសារព័ត៌មានដែលបានជួយផ្សព្វផ្សាយពីស្ថានភាពពិតរបស់ពួកគាត់ រហូតមានការជួយដោះស្រាយភ្លាមៗពីថ្នាក់ដឹកនាំបែបនេះ៕

សារព័ត៌មានកោះខ្មែរ

Open In TikTok:

Region: KH

Thursday 05 November 2026 13:22:41 GMT