@sportbugin: Тараз қаласында өтіп жатқан бокстан Қазақстан чемпионатында ерлер арасында жартылай финалдық жекпе-жектер өтіп жатыр, деп жазады Sportbugin.kz. 65 келі салмақта өнер көрсететін Ертуған Зейнуллинов жартылай финалда Шымкент қаласы өкілі Серік Абзалмен кездесті. Тартысты өткен жекпе-жекте шымкенттік боксшы басымдық танытып, төрешілердің бірауыздан шығарған шешімімен 5:0 есебімен жеңіске жетті. Айта кетейік, Абзал Серік 2023 жылы допингке байланысты жарыстардан шеттетілген болатын. Спортшының сынамасынан метастерон атты тыйым салынған зат табылған. Бұл препарат анаболикалық стероидтар қатарына жатады. Соған байланысты боксшыға ресми түрде дисквалификация беріліп, ол белгілі бір мерзімге спорттан шет қалды. Абзал Серіктің шектеу мерзімі 2026 жылдың 7 сәуірінде аяқталды. Қазір Абзал Серік Қазақстан құрамасындағы белгілі былғары қолғап шеберлерінің бапкері Ілияс Оралбековтың жетекшілігімен жаттығып жүр.

sportbugin

Open In TikTok:

Region: KZ

Thursday 05 November 2026 14:11:27 GMT