လူတစ်ယောက်ရဲ့ ပြောင်းလဲမှုဆိုတာ... မနေ့က ဘယ်လိုလူစားမျိုး ဖြစ်ခဲ့တယ်ဆိုတာထက် ဒီနေ့ ဘယ်လိုလူတစ်ယောက်ဖြစ်အောင် ကြိုးစားနေသလဲဆိုတာက ပိုအရေးကြီးပါတယ်။ မနေ့က အမှားတွေလုပ်ခဲ့ဖူးလို့ ဒီနေ့ အမှန်တရားကို လက်ကိုင်မထားရတော့ဘူးလို့ မဆိုလိုပါဘူး။ မနေ့က အရက်သောက်ခဲ့ဖူးလို့ ဒီနေ့ ပုတီးစိပ်ခွင့်မရှိတော့တာလည်း မဟုတ်ဘူး။ မနေ့က လမ်းမှားခဲ့ဖူးလို့ ဒီနေ့ လမ်းမှန်ပေါ် ပြန်လျှောက်ခွင့်မရှိတော့တာလည်း မဟုတ်ပါဘူး။ လူတိုင်းမှာ အတိတ်ကိုယ်စီ ရှိကြတယ်။ အမှားကိုယ်စီလည်း ရှိကြတယ်။ ဒါပေမဲ့ အတိတ်ဆိုတာ ကိုယ့်ဘဝတစ်ခုလုံးကို သတ်မှတ်ပေးဖို့ မဟုတ်ဘူး။ အမှားတွေကို နောင်တရပြီး ပြုပြင်ဖို့၊ မကောင်းတဲ့အကျင့်တွေကို စွန့်လွှတ်ဖို့နဲ့ ပိုကောင်းတဲ့လူတစ်ယောက်ဖြစ်လာဖို့အတွက် အချိန်တိုင်း အခွင့်အရေးရှိနေပါတယ်။ သူတစ်ပါးရဲ့ အတိတ်ကိုကြည့်ပြီး အကဲဖြတ်ဖို့ထက် ဒီနေ့ သူဘယ်လိုပြောင်းလဲနေသလဲဆိုတာကိုလည်း မြင်ပေးတတ်ဖို့ လိုပါတယ်။ တကယ်တော့... မနေ့က ဘယ်လောက်ပဲ မှားခဲ့မှားခဲ့ ဒီနေ့ အမှန်ဘက်ကို ပြန်လှည့်နိုင်ရင် တန်ဖိုးရှိပါတယ်။ အတိတ်ကို ပြန်ပြင်လို့မရပေမဲ့ ဒီနေ့ကိုတော့ ကိုယ်တိုင်ပြောင်းလဲလို့ ရပါတယ်။ လူတစ်ယောက်ရဲ့ တန်ဖိုးကို သူ့ရဲ့အတိတ်နဲ့မကိုင်ပေါက်နဲ့၊ မဆုံးဖြတ်ပါနဲ့။ ဒီနေ့ သူဘယ်လိုလူဖြစ်အောင် ကြိုးစားနေသလဲဆိုတာကိုလည်း ကြည့်ပေးပါ မိတ်ဆွေ။ #လောကသစ္စာ #AIphoto #DEEPMOOD #စာပေချစ်သူ #crd_to_owner_with_respect - @aung.latt.ko.ko