@basit.baloch795: کُجا چہ تو دِل ءَ کُتگ کُجا چہ من میاریاں مَنی ھَزار کِسّہ اَنت من سکّیں گندگ کاریاں ھما گو شَھر ءِ دامُن ءَ تو گْوات ءَ چیرّ دات شُت ئے ھما چِراگ ءِ چیرّگ ءَ من منتگیں تَھاریاں ھما کَپوت ءِ بانزلاں کہ کاگَدے تو بِستَگ اِت ھما کھیر ءِ ساھِگ ءَ ھما وڑا وداریاں مئے ھر دُکانی راہ یکّ جاہ یکّ ساہ یکّ ءُ اَنگَت ءَ شگان جَنت دو گام چہ تو ساریاں مَنی وپا مَنی تماہ دِل ءِ ھوا جِتا جِتا تئی نُوکیں دُژمِن ءِ وڑا تئی کوھنیں راز داریاں ھَبَر کہ تُرسگ ءَ کپ اِیت ترا میار پر نہ بیت وتی جبین ءِ اندر ءَ چو مُرتگیں مزاریاں چو کَور ءِ سربر ءَ تچ اَنت گوں جَمَبراں گلگ نہ کَنت مَنی کَدم کہ ایر بنت زَمین گُش اِیت من بارے آں آ ڈولی ءَ کہ ساہ ءُ سَر جتا جِتا نہ لِیکتگ پہ راستی ءَ زوال بوت ھما زُبان ءِ زاریاں ((( ڈولی بیگؔ )))

Basit Baloch

Open In TikTok:

Region: AE

Thursday 05 November 2026 16:22:35 GMT