@huseynlyrics: Bəzən insanı ən çox incidən yad adamların etdikləri deyil, ən çox güvəndiklərinin arxadan vurduğu zərbə olur. Çünki yadından heç nə gözləmirsən, amma doğma bildiyin birinin səni yarı yolda qoyması bütün düşüncələrini dəyişir. Bir anda kimə inanacağını, kimə sirrini açacağını belə bilmirsən. Ən ağır tərəfi isə yaşananları heç kimə danışa bilməməkdir. İçində minlərlə söz yığılır, amma danışmağa başlayanda sanki boğazında düyünlənir. Çünki bəzi hadisələri izah etmək olmur, bəzi insanların necə dəyişdiyini isə heç kimə sübut edə bilmirsən. Sadəcə susursan və hər şeyi öz içində yaşayırsan. Həyat insana zamanla çox şey öyrədir. Öyrədir ki, hər gülən üz səmimi deyil, hər yanında olan insan sənə yaxşılıq arzulamır. Bəziləri həyatına dost kimi daxil olur, amma sənə ən böyük dərsi elə onlar verir. Ən acısı da odur ki, bir vaxtlar yoxluğundan qorxduğun insanlar gedəndə, əslində nədən xilas olduğunu anlayırsan. İnsanın ürəyi də qəribədir, nə qədər incidilsə də, yenə yaxşılıq etməkdən vaz keçmir. Yenə inanmaq istəyir, yenə kiməsə dəyər verməyə çalışır. Amma hər xəyanətdən sonra əvvəlki insan olmaq bir az da çətinləşir. Çünki itirilən təkcə güvən olmur, insanın içindəki saf hisslər də yavaş-yavaş yox olur. Bir gün geriyə baxanda anlayırsan ki, bəzi insanların həyatından çıxması əslində bir itki deyilmiş. Sadəcə sən onları gözündə olduğundan daha böyük görmüsən. Sən səmimiyyət göstərmisən, onlar isə bundan istifadə ediblər. Amma unutma, kiminsə pisliyi sənin yaxşılığından heç nə əskiltmir. Hər kəs öz xarakterinin daşıyıcısıdır. Ən böyük peşmanlıq yanlış insana vaxt ayırmaq deyil, onun necə biri olduğunu gördüyün halda yenə də inanmağa davam etməkdir. Allah hər kəsi üzünə gülüb arxasından danışanlardan, dost görünüb düşmənçilik edənlərdən və güvənini fürsət bilənlərdən qorusun. 🤍 #huseynlyrics #kesfetteyiz #uzeyirmehdizade

Huseyn 🎧

Open In TikTok:

Region: AZ

Thursday 05 November 2026 16:29:06 GMT