#ကွာရှင်းပြီးသား ယောကျာ်းတစ်ယောက်ရဲ့ ရင်ဖွင့်ချက်...# အိမ်ထောင်ရှိတဲ့ ယောကျာ်းတွေကို ကျွန်တော် တစ်ခုတော့ ပြောချင်တယ်။ ကျွန်တော်လည်း အရင်တုန်းက ကိုယ့်ကိုယ်ကို လူဆိုးလို့ မထင်ခဲ့ဘူး။ မဖောက်ပြန်ဘူး။ အလုပ်လုပ်တယ်။ အိမ်ကို ပိုက်ဆံပေးတယ်။ ကလေးတွေကိုလည်း ချစ်တယ်။ ဒါနဲ့တင် ကိုယ့်ကိုယ်ကို ခင်ပွန်းကောင်းတစ်ယောက်လို ထင်ခဲ့တာ။ မိန်းမက မပျော်ဘူးပြောရင်တောင် "နင့်မှာ ဘာလိုသေးလို့လဲ" လို့ ပြန်မေးခဲ့တယ်။ သူက ကျွန်တော်နဲ့ စကားပြောချင်တယ်။ အိမ်အလုပ်လေး ဝိုင်းကူစေချင်တယ်။ ကလေးတွေအတွက် သူတစ်ယောက်တည်း အကုန်စဥ်စားနေရတာ ပင်ပန်းတယ်လို့ ပြောတယ်။ ကျွန်တော်ကတော့ အလုပ်ကပြန်လားတာနဲ့ ပင်ပန်းနေပြီး။ ဒါကြောင့် သူပြောတိုင်း "ငါလည်း ပင်ပန်းတာပဲ" ဆိုပြီး ပြန်ပြောခဲ့တယ်။ တစ်ခါတလေ သူငိုတယ်။ တစ်ခါတလေ ရန်ဖြစ်တယ်။ တစ်ခါတလေ " ဒီလိုနေရတာ မပျော်တော့ဘူး" လို့ ပြောတယ်။ ကျွန်တော်ကတော့ သူ ခြိမ်းခြောက်နေတာပဲလို့ ထင်ခဲ့တာ။ ဘယ်သွားမှာလဲ... ကလေးတွေလည်း ရှိတာပဲ... စိတ်ဆိုးပြီး ပြောတာပါ ... ဆိုပြီး အလေးအနက်မထားခဲ့ဘူး။ နောက်ပိုင်း သူမပြောတော့ဘူး။ ရန်လဲ သိမ်မဖြစ်တော့ဘူး။ ကျွန်တော် ဘယ်အချိန်ပြန်လားလဲလည်း မမေးတော့ဘူး။ ကျွန်တော် ဘာလုပ်နေလဲလည်း စိတ်မဝင်စားတော့ဘူး။ အဲဒီအချိန်မှာ ကျွန်တော်က "နောက်ဆုံးတော့ နားအေးသွားပြီး" လို့တောင် ထင်ခဲ့သေးတယ်။ တကယ်တော့ သူက အိမ်ထောင်ရေးကို စိတ်ထဲကနေ လက်လွှတ်နေပြီး။ တစ်နေ့ သူ တကယ်သွားတော့မှ ကျွန်တော် ကြောက်သွားတာ။ အဲဒီကျမှ "ငါပြောင်းမယ်" "အခွင့်အရေး တစ်ခါပေးပါ" "ကလေးတွေအတွက် ပြန်ကြိုးစားရအောင်" ဆိုပြီး ပြောခဲ့တယ်။ ဒါပေမယ့် သူပြောခဲ့တဲ့ စကားတစ်ခွန်းကို အခုထိ မှက်မိတယ်။ ငါ နင့်ကို ဒီနေ့မှ လက်လွှတ်လိုက်တာ မဟုတ်ဘူး။ နင့် ငါစကားကို မကြားခဲ့တဲ့ နှစ်တွေထဲမှာ တဖြည်းဖြည်း လက်လွှတ်ခဲ့တာ"တဲ့ ။ အခု ကလေးတွေကို နေတိုင်းမတွေရတော့ဘူး။ အိမ်ပြန်ရောက်ရင် အိမ်က တိတ်နေတယ်။ အရင်တုန်းက သာမန်လို ထင်ခဲ့တဲ့ မိသားစုနဲ့ ညစာစားရတဲ့အချိန်တွေ၊ ကလေးတွေ ဆူညံနေတဲ့အသံတွေ ၊ သူက " ဘယ်အချိန်ပြန်လာမလဲ" လို့ ဖုန်းဆက်မေးတာတွေကိုတောင် ပြန်လွမ်းမိတယ်။ ကွာရှင်းပြီးမှ နားလည်လာတာတစ်ခုရှိတယ်။ မဖောက်ပြန်တာတစ်ခုတည်းနဲ့ ခင်ပွန်းကောင်းဖြစ်ပြီးလို့ မဆိုလိုဘူး။ ကိုယ့်မိန်းမက ကိုယ့်ဘေးမှာရှိနေလို့ ဘယ့်တော့မှ ထွက်မသွားဘူးလို့လည်း မထင်နဲ့။ သူ စကားများနေသေးရင် နားထောင်ပါ။ ဘာလို့လဲဆိုတော့ ... တစ်နေ့ သူဘာမှ မပြောတော့တဲ့အချိန်ရောက်ရင် မင်းပြောင်းချင်လာတာတောင် မရတော့ဘူးတဲ့။ ကျွန်တော်ရဲ့ နောင်တများစွာဖြင့်။ ။🥀🥀🥀 - @user5710730471662