@nocomment.az: Sosial şəbəkələrdə son günlər geniş müzakirələrə səbəb olan qanunsuz tikinti ilə bağlı maraqlı faktlar üzə çıxıb. Araşdırmalar göstərir ki, sahibkar tərəfindən quraşdırılan məlumat lövhəsində tikintinin şəhərsalma reyestrlərindən keçdiyi qeyd olunsa da, üzərindəki QR kodu oxudan vətəndaşlar heç bir məlumat əldə edə bilmirlər. NOCOMMENT.az xəbər verir ki, dövlət portalları üzərindən aparılan araşdırma zamanı əsl saxtakarlıq ifşa olunub. Belə ki, torpağın təyinatı üzrə həmin ərazidə yalnız Fərail Ağaquluoğlu Hüseynova məxsus ikimərtəbəli fərdi yaşayış evinin tikintisinə icazə verilib. Lakin sahibkar bu icazədən sui-istifadə edərək ərazidə hündürmərtəbəli, apartman tipli bina ucaldıb. Qeyd olunur ki, həmin şəxsin bu formada başqa qanunsuz tikililəri də mövcuddur. Ən təəccüblü məqam isə nəzarətedici qurumların bu özbaşınalığa göz yummasıdır. Vətəndaşlar haqlı olaraq sual edirlər: adi vətəndaş daşı daş üstünə qoyan kimi dərhal müdaxilə edən aidiyyəti qurumlar necə olur ki, bu cür irimiqyaslı qanunsuz tikililəri görmərə gəlirlər? Təəssüflər olsun ki, Abşeron rayonunun Masazır qəsəbəsi Əsəd Hüseynov küçəsi başda olmaqla, rayonun bir çox ərazilərində bu cür hallarla tez-tez rastlaşmaq mümkündür. Aidiyyəti qurumların bu hala hələ də səssiz qalması isə ciddi suallar doğurur.

416

There are no more comments for this video.

To see more videos from user @nocomment.az, please go to the Tikwm homepage.