@aklat_wafaa: بفتيك على الطريقة اللبنانية بالثوم والحامض والفطر 🍋🧄مع البطاطا المهرووسة طبق بيتي غني بالنكهات، لحمة طرية وصوص حامض وثوم مع الفطر، بيتقدّم مع الماشد بوتاتو والخضرة على البخار. المقادير: للبفتيك والصوص: * شرائح بفتيك مدقوقة ورفيعة من عند اللحّام. * ملح وفلفل أسود. * 3 ملاعق كبار زبدة (حسب الحاجة). * 5-6 حصوص ثوم صحيح. * كم عود إكليل الجبل (روزماري). * فطر طازج مقطّع شرائح. * ملعقة كبيرة طحين. * 10-12 حص ثوم مدقوق. * عصير 3 حبات حامض كبار. * ملعقة كبيرة خل. * ملعقتين كبار صويا صوص. * رشة ملح صغيرة. * كوب مي. طريقة التحضير: 1. منجيب شرائح البفتيك جاهزة من عند اللحّام، بتكون مدقوقة ورفيعة ومختلفة عن الستيك العادي. منبّلها بالملح والفلفل الأسود من الجهتين. 2. بمقلاة واسعة، منحط ملعقة زبدة، ومنقلّي شرائح البفتيك مع 5-6 حصوص ثوم صحيح وأعواد إكليل الجبل، لحتى تاخد لون حلو من الجهتين، وبعدها منشيلها ومنحطها عجنب. 3. بنفس المقلاة، منضيف ملعقة زبدة ومنقلّي شرائح الفطر. بعدين منضيف ملعقة زبدة إضافية وملعقة كبيرة طحين، ومنقلّب المكونات مع بعض. 4. بوعاء على جنب، منخلط الثوم المدقوق مع عصير الحامض والخل والصويا صوص ورشة ملح صغيرة. 5. منضيف خليط الثوم والحامض فوق الفطر، ومنسكب كوب مي ومنترك الصوص يغلي ويتجانس. 6. منرجّع قطع البفتيك المقلية عالمقلاة، ومنتركها تغلي مع الصوص على نار هادية جداً والمقلاة مغطّاية، حوالي 10 لـ15 دقيقة، لحتى لحتى تتشرّب اللحمة نكهة الصوص وتطرى الماشد بوتاتو (البطاطا المهروسة الكريمية) 🥔 المقادير: * 3-4 حبات بطاطا وسط. * ربع كوب من مي سلق البطاطا. * ملعقة كبيرة زبدة. * ربع كوب حليب سائل دافئ. * رشة ملح. الطريقة: منقشّر البطاطا ومنسلقها لحتى تستوي وتطرى تماماً. منصفّيها منيح ومنرجّعها عالطنجرة على نار هادية دقيقة أو دقيقتين لحتى تتخلّص من الرطوبة الزايدة. وهي بعدها سخنة، منضيف الزبدة والحليب الدافئ ومي السلق تدريجياً، ومنطحنها بالبلاندر لحتى يصير قوامها ناعم كتير وكريمي، من دون أي تكتلات. إذا حسّيناها بعدها سميكة، منزيد شوي حليب دافئ لنوصل للقوام اللي منحبه. السر: ما نضيف كل السوائل دفعة وحدة، منزيدها شوي شوي لحتى نحصل على بطاطا حريرية وناعمة. ❤ #بفتيك #وصفات_لبنانية #طبخ_بيتي #LebaneseFood #homecooking⁩⁩

Aklat_wafaa

Open In TikTok:

Region: KW

Thursday 05 November 2026 19:04:04 GMT