@editor_az: Azərbaycanda hərbi və ya fövqəladə vəziyyət zamanı tibbi xidmətlərə ehtiyac kəskin artarsa, yaranan əlavə xərclərin qarşılanması üçün dövlət büdcəsinin vəsaitlərindən istifadə oluna bilər. Editor.az xəbər verir ki, bu məsələ “Tibbi sığorta haqqında” Qanuna təklif edilən dəyişiklik layihəsində nəzərdə tutulub. Layihəyə əsasən, hərbi və fövqəladə vəziyyət elan edildikdə, eləcə də sosial xarakterli fövqəladə rejim tətbiq olunduqda tibbi xidmətlərə tələbatın ciddi şəkildə artması mümkündür. Belə hallarda İcbari Tibbi Sığorta Fondunun maliyyə imkanları bütün xərcləri qarşılamaq üçün kifayət etməzsə, yaranan vəsait çatışmazlığının dövlət büdcəsi hesabına ödənilməsi təklif olunur. Başqa sözlə, nəzərdə tutulan mexanizmə görə, fövqəladə şəraitdə tibbi xidmətlərin maliyyələşdirilməsi yalnız İcbari Tibbi Sığorta Fondunun mövcud vəsaitləri ilə məhdudlaşmayacaq. Ehtiyac yaranarsa, əlavə maliyyə yükünü dövlət büdcəsi üzərinə götürə biləcək. Qanun layihəsində İcbari Tibbi Sığorta Fondunun maliyyə planlaşdırılması ilə bağlı başqa bir məqam da yer alıb. Belə ki, növbəti il üçün gəlirlər proqnozlaşdırılarkən fondun cari ilin sonunda yaranmış profisiti, yəni xərclərdən artıq qalan vəsaiti də nəzərə alınacaq. Bu məbləğ növbəti ilin xərclərinin maliyyələşdirilməsi üçün mövcud resurs kimi qiymətləndiriləcək. Təklif olunan dəyişikliklərin əsas məqsədi fövqəladə şəraitdə tibbi xidmətlərin maliyyə təminatını gücləndirmək və fondun vəsaitləri çatmadıqda əlavə maliyyə mənbəyini müəyyənləşdirməkdir. Qeyd edək ki, söhbət hazırda qanuna təklif olunan dəyişiklikdən gedir. Mexanizmin tətbiqi üçün qanunvericilikdə müvafiq dəyişikliklərin qəbul edilməsi tələb olunur.

Editor.Az

Open In TikTok:

Region: AZ

Friday 06 November 2026 00:33:52 GMT