@moepyaezune: အိမ်ထောင်ရေးကို ကယ်တင်ချင်တဲ့အချိန် မိန်းကလေးတချို့ လုပ်မိတတ်တဲ့ အမှားတွေ အိမ်ထောင်ရေးအတွက် fight လုပ်တာက ကောင်းပါတယ်။ ဒါပေမယ့် “ငါသာ ပိုကောင်းအောင်လုပ်ရင် သူပြောင်းလဲလာမှာပါ” ဆိုပြီး အိမ်ထောင်တစ်ခုလုံးရဲ့တာဝန်ကို ကိုယ့်ပခုံးပေါ်တင်မိတာက မိန်းကလေးတချို့ လုပ်မိတတ်တဲ့ အကြီးဆုံးအမှားတစ်ခုပါ။ ၁။ အိမ်ထောင်ရေးမပြိုကွဲအောင် ကိုယ်တစ်ယောက်တည်း အစွမ်းကုန်ကြိုးစားခြင်း သူစိတ်ဆိုးရင် ကိုယ်ပဲချော့၊ ပြဿနာဖြစ်ရင် ကိုယ်ပဲတောင်းပန်၊ စကားမပြောရင် ကိုယ်ပဲလိုက်ပြော၊ relationship ကောင်းအောင် ကိုယ်ပဲရှာဖွေလေ့လာနေမိတယ်။ ဒါပေမယ့် လူတစ်ယောက်တည်းရဲ့ကြိုးစားမှုနဲ့ လူနှစ်ယောက်ရဲ့အိမ်ထောင်ရေးကို မတည်ဆောက်နိုင်ဘူး။ ၂။ သည်းခံခြင်းကို အချစ်လို့ ထင်မိခြင်း “အိမ်ထောင်ရေးဆိုတာ သည်းခံရတယ်” ဆိုတာမှန်တယ်။ ဒါပေမယ့် အရာအားလုံးကို သည်းခံရမယ်လို့ မဆိုလိုဘူး။ ကိုယ့်ကို မလေးစားတာ၊ အမြဲနှိမ့်ချတာ၊ ကိုယ့်ခံစားချက်ကို အရေးမထားတာတွေကို နှစ်ပေါင်းများစွာ သည်းခံပြီး “ဒါက marriage ပဲ” လို့ မထင်သင့်ဘူး။ ၃။ ကလေးတွေအတွက်ဆိုပြီး ကိုယ့်ကိုယ်ကို လုံးဝပျောက်ဆုံးသွားစေခြင်း မိသားစုအတွက်၊ ကလေးတွေအတွက်ဆိုပြီး ကိုယ့်လိုအပ်ချက်၊ ကိုယ့်အိပ်မက်၊ ကိုယ့်စိတ်ခံစားချက်၊ ကိုယ့်တန်ဖိုးကို နောက်ဆုံးနေရာမှာထားမိတတ်တယ်။ ကောင်းတဲ့ဇနီးဖြစ်ဖို့ဆိုတာ ကိုယ်တိုင်မရှိတော့တဲ့အထိ sacrifice လုပ်ရမယ် လို့ မဆိုလိုဘူး။ ၄။ သူပြောင်းလဲချင်စိတ်မရှိပေမယ့် ကိုယ်က သူ့ကိုပြောင်းလဲပေးနိုင်မယ်လို့ ယုံကြည်ခြင်း လူတစ်ယောက်ကို ချစ်ခြင်းနဲ့ ပြောင်းလဲခိုင်းလို့ မရဘူး။ သူကိုယ်တိုင် “ငါမှားတယ်၊ ငါပြင်ချင်တယ်” ဆိုတဲ့စိတ်မရှိရင် ကိုယ်ဘယ်လောက်ပြောပြော၊ ဘယ်လောက်ချစ်ချစ်၊ ဘယ်လောက်ငိုငို အမြဲတမ်း မပြောင်းလဲနိုင်ဘူး။ ၅။ ကိုယ့်လိုအပ်ချက်ကို မပြောဘဲ သူသိသင့်တယ်လို့ မျှော်လင့်ခြင်း “ငါ့ယောက်ျားဆို ငါဘာလိုချင်လဲ သိသင့်တာပေါ့” ဆိုပြီး မပြောဘဲ စိတ်ထဲမှာပဲ သိမ်းထားတတ်တယ်။ နောက်ဆုံး စိတ်နာမှုတွေ စုပြီး ပြဿနာသေးသေးလေးကနေ အရင်ကနာကျင်ခဲ့သမျှ အကုန်ပေါက်ကွဲလာတတ်တယ်။ Healthy marriage မှာ mind reading မလိုဘူး။ Communication လိုတယ်။ ၆။ ကိုယ့်ဘက်က အမှားတွေကိုလည်း မမြင်တော့ခြင်း အိမ်ထောင်ရေးကို ပြန်ကောင်းစေချင်ရင် ယောက်ျားဘက်ကပဲ အမှားရှာနေလို့ မရဘူး။ “သူဘာပြင်ရမလဲ” ဆိုတာနဲ့အတူ “ငါ့ဘက်ကရော ဘာပြင်နိုင်မလဲ” ဆိုတာကိုလည်း မေးနိုင်ရမယ်။ ဒါပေမယ့် ကိုယ့်အမှားကို တာဝန်ယူတာနဲ့ သူလုပ်သမျှအမှားတွေကို ကိုယ့်အပြစ်လို့ ခံယူတာက မတူဘူး။ ၇။ Relationship ပြဿနာတိုင်းကို လူတိုင်းဆီ သွားပြောခြင်း စိတ်နာနေတဲ့အချိန်မှာ သူငယ်ချင်း၊ မိသားစု၊ social media ပေါ်မှာ အကုန်ပြောချင်တတ်တယ်။ ဒါပေမယ့် ကိုယ်တို့နှစ်ယောက် ပြန်အဆင်ပြေသွားနိုင်ပေမယ့် ကိုယ်ပြောထားတဲ့လူတွေရဲ့စိတ်ထဲမှာတော့ ကိုယ့် partner အပေါ် မကောင်းတဲ့ပုံရိပ် ကျန်နေနိုင်တယ်။ အကူအညီလိုရင် ယုံကြည်ရပြီး ပညာရှိတဲ့လူ၊ counselor/therapist လိုမျိုး အမှန်တကယ် ကူညီနိုင်သူကို ရွေးပြီးပြောတာ ပိုကောင်းတယ်။ ၈။ Divorce ဆိုတဲ့စကားကို ရန်ဖြစ်တိုင်း ခြိမ်းခြောက်သလို အသုံးပြုခြင်း စိတ်ဆိုးတိုင်း “ကွာမယ်”၊ “ထွက်သွားမယ်” လို့ပြောနေရင် relationship ထဲက security နဲ့ trust ကို တဖြည်းဖြည်း ဖျက်စီးနိုင်တယ်။ တကယ်ပြင်ချင်တဲ့ပြဿနာကို ပြောပါ။ နာကျင်နေတာကို ပြောပါ။ ကိုယ်လိုချင်တဲ့အပြောင်းအလဲကို ပြောပါ။ ၉။ အိမ်ထောင်ရေးအတွက် fight လုပ်တာနဲ့ ကိုယ့် dignity ကို စွန့်လွှတ်တာကို မခွဲခြားနိုင်ခြင်း Relationship တစ်ခုကို ကယ်တင်ဖို့ ကြိုးစားနိုင်တယ်။ ဒါပေမယ့် “သူမထားခဲ့အောင် ဘာပဲဖြစ်ဖြစ် လုပ်မယ်” ဆိုတဲ့နေရာထိ ကိုယ့်ကိုယ်ကို မလျှော့ချသင့်ဘူး။ အချစ်ကို တောင်းယူရတာ၊ လေးစားမှုကို တောင်းပန်ယူရတာ၊ ကိုယ့်တန်ဖိုးကို သက်သေပြနေရတာမျိုး မဖြစ်သင့်ဘူး။ နောက်ဆုံး အရေးကြီးဆုံးက— Marriage ကို ကယ်တင်ဖို့က မိန်းမတစ်ယောက်ရဲ့အလုပ် မဟုတ်ဘူး။ ယောက်ျားတစ်ယောက်ရဲ့အလုပ်လည်း မဟုတ်ဘူး။ နှစ်ယောက်စလုံးရဲ့အလုပ်ပါ။ မိန်းမဘက်က ကိုယ့်အမှားကို ပြင်ဖို့လိုသလို ယောက်ျားဘက်ကလည်း ကိုယ့်အမှားကို ပြင်ဖို့လိုတယ်။ တစ်ယောက်က နားထောင်ရင် တစ်ယောက်ကလည်း နားထောင်ရမယ်။ တစ်ယောက်က compromise လုပ်ရင် တစ်ယောက်ကလည်း လုပ်ရမယ်။ တစ်ယောက်က trust ပြန်တည်ဆောက်ဖို့ ကြိုးစားရင် တစ်ယောက်ကလည်း အဲဒီ trust ကို ပြန်ရအောင် အလုပ်လုပ်ရမယ်။ လူတစ်ယောက်က 100% ဆွဲထားပြီး တစ်ယောက်က လက်လွှတ်ထားတဲ့ marriage ကို တစ်ယောက်တည်း ကယ်တင်လို့မရဘူး။ ဒါပေမယ့် နှစ်ယောက်စလုံးက တကယ်ချစ်သေးတယ်၊ တကယ်မဆုံးရှုံးချင်ဘူး၊ ကိုယ့်အမှားကိုယ်မြင်နိုင်တယ်၊ ပြောင်းလဲဖို့လည်း တကယ်ဆန္ဒရှိတယ်ဆိုရင်— အိမ်ထောင်ရေးတစ်ခုမှာ ပြန်တည်ဆောက်လို့ရနိုင်တဲ့အရာတွေ အများကြီးရှိပါတယ်။ အိမ်ထောင်ရေးအတွက် fight လုပ်ပါ။ ဒါပေမယ့် ကိုယ့် partner နဲ့ fight တာထက် ကိုယ့် partner နဲ့အတူ ပြဿနာကို fight လုပ်ပါ။ ♥️ By MommyMayOo #မူရင်းကိုcrdပေးပါတယ် #မေတ္တာဖြင့်ပြန်လည်မျှဝေပါသည်

🍀Ma Zun🍀

Open In TikTok:

Region: MM

Friday 06 November 2026 03:33:08 GMT