‎လူ့ဘဝဆိုတာရေစီးကြောင်းတစ်ခုလိုပါပဲ ‎ရေစီးကြောင်းကို အပြစ်ပုံမနေနဲ့တော့ ‎မင်းရဲ့လှေကို မင်းကိုယ်တိုင်လှော်ခတ်ပါ။ ‎ ‎ဘဝက အဆင်မပြေဘူးဆိုပြီး ‎အမြဲတမ်း ရေစီးကြောင်းကိုပဲ ‎အပြစ်ထိုင်ပုံချနေတော့မှာလား ‎မင်းကြုံတွေ့နေရတဲ့ ပြဿနာတွေ ‎လှိုင်းဒဏ်တွေကို ဆင်ခြေပေးပြီး ‎လက်မှိုင်ချနေရအောင် မင်းဘဝက ‎သူများထိန်းချုပ်နေတာမှ မဟုတ်တာ။ ‎ ‎မင်းဘဝထဲကို ပင်လယ်ပြင်လိုလှိုင်းတံပိုးတွေ ဝင်လာတာကို မင်းတားဆီးလို့ မရနိုင်ဘူး ‎နေရာတိုင်းမှာ ငြိမ်သက်နေလိမ့်မယ်လို့ ‎သွားမျှော်လင့်မနေနဲ့ ဘဝဆိုတာ မုန်တိုင်းတွေ လှိုင်းထန်မှုတွေနဲ့ပြည့်နှက်နေတာ သဘာဝပဲ။ ‎ ‎ဒါပေမဲ့ မင်းမေ့နေတဲ့ အရာတစ်ခုရှိတယ် ‎ပဲ့ကိုင်ထားတဲ့ လက်က မင်းရဲ့လက် ‎လှေကို လှိုင်းအောက်နစ်မြုပ်ခံမလား ‎ဒါမှမဟုတ် စိန်ခေါ်မှုကို ကျော်လွှားပြီး ‎ရှေ့ဆက်လှော်ခတ်မလားဆိုတာ ‎မင်းကိုယ်တိုင်ပဲ ဆုံးဖြတ်ရမှာ။ ‎ ‎ကြောက်နေရုံနဲ့ညည်းတွားနေရုံနဲ့တော့ ‎မင်းသွားချင်တဲ့ ကမ်းခြေကို ‎ရောက်လာမှာ မဟုတ်ဘူး ‎ရေစီးကြောင်းက ဘယ်လောက်ပဲ ‎ကြမ်းတမ်းနေပါစေ မင်းရဲ့ ရွေးချယ်မှုနဲ့ ‎ရဲရင့်မှုကပဲ မင်းရဲ့လမ်းဆုံးကိုဖန်တီးသွားမှာ။ ‎ ‎ဒါကြောင့် ဆင်ခြေတွေ အသာဖယ်လိုက်တော့ ‎ကိုယ့်လှေရဲ့ ပဲ့ကို ရဲရဲဝံ့ဝံ့ကိုင် ‎ကိုယ့်လမ်းကြောင်းကို ကိုယ်တိုင် ‎ပြတ်ပြတ်သားသား လှော်ခတ်လိုက်ပါ။ ‎ ‎ ‎Ink&soul ✍️ ‎ - @1hellobro.bubble.tea1