@sagaingtimes: မော်လူးမြို့အနီးတွင် တိုက်ပွဲပြင်းထန်နေပြီး ပိတ်မိနေသည့် ကားတန်းပေါ် ဒရုန်းဗုံးကျရောက်မှုကြောင့် ထိခိုက်မှုများရှိ နိုဝင်ဘာ ၆၊ စစ်ကိုင်းတိုင်းမ် စစ်ကိုင်းတိုင်း၊ အင်းတော်မြို့နယ်၊ မော်လူးမြို့အနီးတွင် စစ်ကောင်စီတပ်နှင့် ကာကွယ်ရေးပူးပေါင်းတပ်ဖွဲ့များအကြား တိုက်ပွဲပြင်းထန်နေပြီး လေကြောင်းနှင့် ဒရုန်းဖြင့် ဗုံးကြဲတိုက်ခိုက်မှုများကြောင့် ဒေသခံများနှင့် ခရီးသည်ကားတန်းများ လမ်းတွင်ပိတ်မိကာ ထိခိုက်ပျက်စီးမှုများ ရှိနေကြောင်း ဒေသခံများထံမှ သိရသည်။ ဟုမ္မလင်းလေတပ်စခန်းမှ တက်လာသည့် ဂျက်ဖိုက်တာများဖြင့် (၄)ရက်ဆက်တိုက် နေ့ရောညပါ ဗုံးကြဲတိုက်ခိုက်လျက်ရှိသလို မြို့တွင်း၌လည်း ဒရုန်းဖြင့် ဗုံးကြဲမှုများနှင့် လက်နက်ကြီးကျည် ကျရောက်ပေါက်ကွဲမှုများ ဖြစ်ပွားလျှက်ရှိ‌ကြောင်း သိရှိရသည်။ တိုက်ပွဲကြောင့် လမ်းခရီးတွင် ပိတ်မိနေသော ပြည်သူများ၏ ခရီးသည်ကားတန်းမှာ ရှေ့လည်းတိုးမရ၊ နောက်လည်းဆုတ်မရဘဲ အကျပ်အတည်းနှင့် ရင်ဆိုင်နေရသည်။ ယင်းကဲ့သို့ လမ်းတွင် ပိတ်မိနေစဉ် ကားတန်းကြီးပေါ်သို့ ဒရုန်းဗုံး ကျရောက်ပေါက်ကွဲခဲ့ခြင်းကြောင့် လူနှင့်ကားတချို့ ထိခိုက်ပျက်စီးခဲ့ရကြောင်း ဒေသခံများက ပြောပြသည်။ "မနေ့က တော်တော်ဆိုးတယ်၊ ကျွန်မဆိုင်နားတင် ဒရုန်းကျတာ၊ မြို့ထဲမှာ လက်နက်ကြီးကျည်နဲ့ ဒရုန်းထိတာ တော်တော်များတယ်၊ အရင်နေ့ထက်စာရင် ဒီမနက်တော့ ငြိမ်နေတယ်၊ ဒါပေမဲ့ မြို့အခြေအနေကတော့ မကောင်းပါဘူး။ လန့်နေရတာပဲ" ဟု မြို့တွင်း အဝတ်အထည်ဆိုင် ဖွင့်လှစ်ထားသူတစ်ဦးက ပြောဆိုသည်။ ထို့အပြင် ကျောင်းရှေ့တွင် ဈေးရောင်းနေသည့် အမျိုးသမီးတစ်ဦးလည်း ခြေထောက်တွင် ထိခိုက်ဒဏ်ရာများ ရရှိခဲ့ကြောင်း သိရသည်။ "ကျောင်းရှေ့မှာ ဈေးရောင်းတဲ့ အမျိုးသမီး ထိသွားတယ်။ ခြေထောက်ထိသွားတာ များတယ်။ လူ နည်းနည်းကျဉ်းကျဉ်း ထိခိုက်မိတာပါ။ သေတာ ပျောက်တာတော့ မရှိပါဘူး။ ကားတန်းကြီးပေါ် ကျသွားတာ" ဟု ဒေသခံတစ်ဦးက ဆိုသည်။ ယနေ့ (၅.၆.၂၆)မနက်ပိုင်းတွင်လည်း မြို့ပေါ်၌ ဒရုန်းများ ဆက်လက်ကျရောက် ပေါက်ကွဲနေဆဲဖြစ်ပြီး ခရီးသည်ကားများနှင့် ဒေသခံများမှာ ဘေးလွတ်ရာသို့ တိမ်းရှောင်နေကြရသည်။ "မနေ့ကတည်းက ဖြစ်တာပါ။ အခြေအနေ မငြိမ်ဘူးဗျ။ ပိုဆိုးနေပါတယ်။ ရှေ့ပိတ်နောက်ပိတ် ဖြစ်နေတယ်ဗျာ။ အခုက အရှေ့လည်း တိုးမရ၊ နောက်လည်း ဆုတ်မရနဲ့ ဖြစ်နေတာ" ဟု နောက်ထပ် ဒေသခံတစ်ဦးက လက်ရှိအခြေအနေကို ရှင်းပြသည်။ မော်လူးမြို့ စာသင်ကျောင်းအနီးတွေနိုဝင်ဘာလ ၅ ရက်နေ့၊ မနက် ၁၀ နာရီကျော်ခန့်တွင် Drone ဗုံးကျလို့ အရေးပေါ် ကျောင်းဆင်းခဲ့ရတယ်လို့ ပြောပါတယ်။ မော်လူးမြို့တွင် တိုက်ပွဲ မဖြစ်ပွားမီ (၁)ရက်အလိုတွင် မော်လူးဒေသခံများသည် စစ်ကောင်စီလက်အောက်၌ ဘောလုံးပွဲများ ကျင်းပခဲ့ကြပြီး လက်ရှိတွင်မူ တိုက်ပွဲဒဏ်ကို ခံစားနေရသည်။ လက်ရှိတွင် မော်လူးမြို့၏ အခြေအနေမှာ ပိုမိုဆိုးရွားလာနေပြီး ဒေသခံများနှင့် ခရီးသွားပြည်သူများမှာ လုံခြုံရေး စိုးရိမ်ရသည့် အနေအထားဖြင့် တိမ်းရှောင်နေရကြောင်း သိရသည်။ အဆိုပါတိုက်ပွဲတွင် စစ်ကောင်စီတပ်နှင့် KIA၊ ABSDF၊ NUG PDF၊ ပကဖ၊ အထူးတပ်ရင်းများ၊ ကဒူးတပ်နှင့် မဟာမိတ် တိုင်းရင်းသားလက်နက်ကိုင် (EAO) ပူးပေါင်းအဖွဲ့များအကြား တိုက်ပွဲ ဖြစ်ပွားနေ‌ခြင်းဖြစ်ကြောင်း သိရှိရသည်။ #မော်လူး #အင်းတော် #တိုက်ပွဲ #creatorsearchinsights #tipsforpostingontiktok

𝑻𝒉𝒆𝑺𝒂𝒈𝒂𝒊𝒏𝒈𝑻𝒊𝒎𝒆𝒔

Open In TikTok:

Region: MM

Friday 06 November 2026 07:00:05 GMT