@zoolnice08: *نقضي أعمارنا نركض خلف المجهول..* نلاحق الإجابات عشان نطفي قلق الأسئلة الجوانا، وكأننا فاكرين إنو لو عرفنا النهاية أو تفاصيل الطريق، حنلقى الأمان البنفتش عليهو. لكن بنكتشف متأخر، إنو كترة الركض ما بتجيب لينا غير التعب. وإنو السلام الحقيقي ما بيجي من إنو نلقى الجواب الشافي، بيجي من اللحظة البنتوقف فيها عن المقاومة، وبنتصالح مع فكرة إنو بعض الأسئلة اتخلقت عشان تفضل معلّقة. الراحة بتبدا حين نقبل إننا ما مضطرين نعرف كل شيء عشان نعيش بسلام. وحين ندرك إنو راحة البال بتكمن في العيش بطمأنينة مع الغموض، ما في حرق الأطراف للوصول للحقيقة. *تأمل ..* في حاجات لو عرفناها حتوجعنا أكتر من جهلنا بيها، وفي أبواب لو اتفتحت ما حنقدر نقفلها تاني. عشان كدا أحياناً الحكمة ما في إنك تعرف، الحكمة في إنك ترضى. خلي قلبك هادي، وخلي المجهول ماشي جنبك ما قدامك.. عيش يومك، أضحك، أتوكل، وخلي الباقي على الله. فالذي كتب البداية، قادر يكتب ليك نهاية أجمل من كل التوقعات الكُنت بتركض وراها. #حزن_غياب_وجع_فراق_دموع_خذلان #كلام_في_الصميم #سودانيز_تيك_توك_مشاهير_السودان #سودانيز_مشاهير_تيك_توك #مجروحين_من_الله_خلقنة

Dr.Abdalla Suliman

Open In TikTok:

Region: SD

Friday 06 November 2026 09:34:45 GMT