@maxeloradio: Gagash na Tibana va ta tlhela ehubyeni hi 13 Hukuri: beyili na milandzu yo engetela 6 Hukuri 2026 Charlotte Tibana na nuna wa yena Peter “Gagash” Nonyane va ta tlhela vata ti vonakarisa eHubyeni ya Majistarata ya Polokwane hi siku ra 13 Hukuri 2026, laha ku languteriweke leswaku ku engeteriwa milandzu eka vona havambirhi. Tibana i muhehliwa wo sungula, kasi Nonyane i muhehliwa wa vumbirhi. Hi siku rero, Nonyane u ta tlhela a endla xikombelo xa beyili. Tibana a nge endli xikombelo xa beyili. Nandzu lowu va hehliwaka eka wona na Rirhandzu Tibana na Jabulani Maluleke wu hundziseriwe eka 27 Hukuri 2026. Vahehliwa va langutane ni milandzu leyi katsaka vuxisi, vukhamba ni ku basisa mali leyi vuchuchisi byi hehlaka leswaku yi tekiwe eka tindzhaka ta vanhu va 15 lava loveke. Mali leyi ku hehliwaka leswaku yi tekiwile yi ringanyetiwa eka R11 miliyoni. Nonyane na Tibana va ha ri ekhotsweni, kasi Rirhandzu Tibana na Maluleke va le handle hi beyili ya R60 000 munhu hi un’we. Vahehliwa a va si voniwa nandzu.

Maxelo Radio

Open In TikTok:

Region: ZA

Friday 06 November 2026 09:59:13 GMT