@love_sudan_: #رسول_الله_صلى_الله_عليه_وسلم #ابناء_الشيخ_محمد_عثمان_عبده_البرهاني 💐قصة المرأة الكانت بتحب الصلاة على النبي و كل حاجة عاوزة تعملا بتصلي على النبي أول..في كل حركة حتى لو عاوزة تبدا كلام مع زول ..عاوزة تاكل تشرب تنضف بيتها ترفع حاجة تنزل حاجة أي حركة لازم قبلها تصلي على الحبيب زوجها زهج من الحكاية دي و حكى لصاحبو انو المرة دي أنا زهجت منها لأنو أي شي تعملو بتصلي على النبي و كترتها شديد و انا لازم اتزوج فيها اوواطلقها او اتخلص منها.. قال ليهو انا بديك فكرة تخلصك منها نهائي..قاليهو تفاجئها بي هدية شنطة مليانة بالدهب و المجوهرات و بي جوة بدل الدهب خت فيها افاعي و ثعابين.. لما رجع البيت قاليها أنا الليلة جايب ليك هدية جميلة و فاخرة..افتحيها و شوفي الدهب جواها..و قام خت ليها الشنطة و زح بعيد و بقى يراقبها و هي فرحانة جدا بانو زوجها اهداها هدية ثمينة و هو اثناء ما بيراقب فيها خايف و متوتر و زي جاتو حسرة .. هي قبل تفتح الشنطة أكيد صلت على النبي أول و دعت لزوجها دعاء جميل و بمجرد فتحها للحقيبة وجدت كمية من الدهب و المجوهرات.. الراجل اندهش و جا عليها حالا و كلمها و بكى بكا شديد و بي فضل صلاتها على النبي ربنا غفر ليهو ذنبو كرامة للحبيب و عشانها هي.. و صدق من قال فلينظر أحدكم من يخالل... انت ما تكره الناس بمجرد شفت لسانهم ذاكر ذكر معين و تقول ديل ناس مكشكشين و ما منتظمين في ذكر و ما بعرفو الصاح من الغلط..انت امكن بتعمل اذكار بانتظام لكن قلبك لسة ما صحا لأنك بتنظر للناس نظرة استقباح او تختهم جهلة لا يوعون شيئا لكن ربنا ينظر ليهم نظرة الرفق و يعاملهم بالاحسان و يدلهم على الطريق الصحيح بعنايتو و ما ذلك على الله بعزيز..يعز من يشاء و يذل من يشاء و سبحان الله ربنا لما يكون عاوز ليك خير او طريق هداية بسوقك ليهو مهما تاخر الوقت ..الراجل ده صاحبو صاحب شر و الشر هنا بدل يوقع الراجل في فعل الشر وداهو لفعل الخير لأنو لو ما الشنطة دي ما كان حيعرف فضل الصلاة على المختار..و خلتو يتوب لربنا.. أحيانا درب الخطر بتنجا منو لحكمة يريدها الله لا كما تريدها انت.. بدل ما تقعد تشتم الخلق في المساجد و تشوف انو ذكر الصلاة على النبي بدعة و الصحابة ما كانو بعملوها .. طيب النبي ليه قال من صلى علي واحدة صلى الله عليه بها عشرا..و الاحاديث كتيرة النبي ما عاوز منك تصلي عليهو عشانو هو..تمام الكفاية انو ربنا صلى عليهو و يصلي عليه دون أن يحدد ميقاتا لوقف الصلاة عليه صلى الله عليه وسلم.. كفاية تشجيع الناس في المنابر و الميديا على انهم يكرهو عبادة الصلاة على الحبيب.. لا تحسب اعمالك هي المنجية لك يوم الحساب..انما الصلاة عليه هي المنجية.. لا اهلك الله لسان من صلى على من يحبه و من اصطفاه على خلقه..💚 ربنا قال في الحديث القدسي: دعوني و خلقي..لو خلقتموهم لرحمتموهم.. إن تابوا إليَّ فأنا حبيبهم..و إن لم يتوبوا فأنا طبيبهم" فتأمل رحمة القول من الرحيم إلى الضعيف.. 💐
