@shootbyab: من كثر ما كان حبك كبير داخلي صار يطلع مني بكل شيء وأنا مو قاصد بكلامي، وبالأشياء اللي أكتبها، وبكل مرة أحاول أخبي اسمك بين السطور كنت أحسب إني أعرف أخفيك، بس الظاهر إن اللي يحب بصدق ما يعرف يخفي شعوره مهما حاول .. صاروا الناس يقرون كلامي ويعرفون إن وراه شخص يمدحون الحروف، ويعجبهم الكلام، ويمكن حتى يفهمون منو المقصود .. إلا أنت .. أنت الشخص اللي كل هالكلام كان عشانه، وكل الرسائل كانت توصلك بطريقة أو بأخرى، بس كأنك ما شفت، ولا قريت ولا حسيت إن فيه قلب قاعد يحاول يقول لك كل اللي ما قدر يقوله بوجهك وبعدين فرقتنا الأيام .. وهني صار السؤال اللي ما لقيت له جواب شلون أنا للحين أحن؟ وشلون أنا للحين أدور أخبارك؟ .. وأنت ما حنيت؟ وما سألت؟ وما خطر ببالك تعرف شلون صرت من عقبك ؟ يمكن الفراق بالنسبة لك كان عادي بس بالنسبة لي، ما كان مجرد نهاية كان كل شيء بعدها يذكرني فيك .. كل كلمة، وكل مكان، وكل ذكرى كنت أحسب إن الأيام بتمحيها رجعت تثبت لي إن بعض الناس حتى لو غابوا، يظلون موجودين بطريقة ما نقدر نوقفها .. وأقسى شيء إنك تحاول تنسى شخص، وكل الذكريات كأنها متفقة إنها ما تخليك تنسى مو قاعد أقول إني ما حاولت أكمل .. حاولت .. بس شلون أكمل وأنا كل ما كتبت، لقيت نفسي أكتب عنك؟ وكل ما سمعت كلام حلو تمنيت لو كنت أنت اللي تسمعه؟ .. والغريب إن حبي صار واضح أكثر من قبل، يمكن أنا ما نطقت اسمك، لكني قلته بكل التفاصيل لدرجة إن اللي حولي صاروا يعرفون .. الكل عرف منو اللي حبيته، والكل شاف أثره بكلامي، إلا أنت الشخص الوحيد اللي كان يكفيني يعرف .. وفي النهاية مو الوجع إني حبيت ،الوجع إني حبيت لدرجة إن حبك صار ظاهر بكل شيء، وصرت أكتب وأحن وأتذكر وأنت بعد كل هالكلام، وبعد كل هالرسائل اللي كانت تحمل اسمك من غير ما تكتبه .. بقيت أنت الشخص الوحيد اللي ما عرفت، هل فعلا ما فهم ولا فهم كل شيء، واختار يتجاه .. 🖼️ by @Shootbyab ✍🏽 by @Closeddd 🎶 by @خالد المظفر | @𝔽 𝔸 ℍ 𝔸 𝔻 🩵 #fypジ #explorer #kwt #foryou #خالد_المظفر
