Роналду 23 жыл Португалияның намысын қорғады. Елін әлемге танытты. Бірақ қоштасуында биліктің ерекше мақтанышы мен салтанатты шығарып салуы болмады деген ой мені терең толғандырды. Ал менің әкем Ермек Азимов 26 жыл ауылына қызмет етті. Елдің игілігі үшін еңбек етті. Өмірінің соңында сол ұңғыманы қайта-қайта сөз етіп, маған аманаттап кетті. Мен сол кезде ерекше қызымның емімен алысып, әкем үшін Алладан дұға жасап, сабыр сұрап жүрдім. Оның қоңырауларына толық көңіл бөле алмадым. Әкемнің соңғы аманаты жүрегіме осылай жазылып қалатынын білмедім. Бүгін мен әкемнің аманаты үшін күресіп жүрмін. Бір жағынан, өз өмірімнің ауыр сынақтарымен, ерекше қызымның болашағы үшін күресіп келемін. Менің де, қызымның да өмірі оңай болған жоқ. Бірі әкенің аманатын арқалап, бірі анасының жүрегіндегі ең нәзік үміт болып келеді. Бір адамның елге сіңірген еңбегі, бір ананың баласы үшін төккен көз жасы, бір баланың өмірге деген талпынысы — бұлардың бәрі бағалануға лайық емес пе? Мен ешкімнен атақ та, байлық та сұрамаймын. Тек адам еңбегінің қадірін, аманаттың ақиқатын, ерекше балалардың өмірге деген құқығын көргім келеді. Әкемнің аманаты — менің бүгінгі жолым. Қызымның болашағы — менің ертеңгі үмітім. Алла баршамызға сабыр, күш-қуат берсін.#роналду - @azimovyermek