@sudqinaddaf: مكدوس الباذنجان الشامي على أصوله 🇸🇾❤️ من أطيب وأشهر أصناف المونة الشامية، المكدوس إله أسراره وتفاصيله اللي بتفرق كثير بالنتيجة النهائية. واليوم رح أشارككم طريقتي الخاصة لتحضير المكدوس الشامي، مع أهم النصائح للحصول على مكدوس متماسك، غني بالنكهة، ومحضّر على أصوله. 🌿 المكونات لتحضير الباذنجان: ● ٦ كيلو باذنجان حمصي قبل السلق (في ناس بتفضّل الباذنجان البلدي، لكن أنا شخصياً بفضّل الحمصي للمكدوس). ● ملح خشن للكبس، حسب الحاجة. مدة السلق: من ٢٠ إلى ٢٥ دقيقة بعد غليان الماء، حسب حجم الباذنجان. للحشوة: ● ٦٠٠ غرام تقريباً جوز عين جمل مكسر. ● ٤٠٠ غرام تقريباً دبس فليفلة، معصور ومصفّى جيداً من السوائل. ● ملح خشن حسب الحاجة، مع مراعاة ملوحة الباذنجان بعد الكبس. ● ١ ملعقة كبيرة ثوم مفروم ناعماً. ● ¼ كوب زيت زيتون للمساعدة على تماسك الحشوة. للحفظ: ● زيت زيتون بكمية كافية لتغطية حبات المكدوس بالكامل. 👨‍🍳 طريقة التحضير أولاً | سلق الباذنجان نغسل الباذنجان جيداً ونسلقه في الماء المغلي لمدة ٢٠–٢٥ دقيقة، مع مراعاة حجمه ودرجة الطراوة المطلوبة. سر مهم: لا تزيلوا تاج الباذنجان قبل السلق، لأنه بساعد على المحافظة على تماسك الحبة. بنزيله بعد ما يبرد الباذنجان. ثانياً | التمليح والكبس بعد ما يبرد الباذنجان، بنزيل التاج وبنفتح كل حبة بالطول، وبنضيف الملح الخشن حسب الحاجة. بنرتّب حبات الباذنجان بطريقة تسمح بتصريف السوائل، وبنضع فوقها وزن ثقيل كما هو موضّح بالفيديو، حتى نتخلص من أكبر كمية ممكنة من الماء. ثالثاً | تحضير الحشوة بنخلط الجوز المكسر مع دبس الفليفلة المصفّى والثوم الناعم، وبنضيف الملح حسب الحاجة، ثم زيت الزيتون حتى نحصل على حشوة متجانسة ومتماسكة. رابعاً | الحشو والتعبئة بنحشي حبات الباذنجان بالخليط، وبنرتبها داخل مرطبانات نظيفة ومعقمة وجافة تماماً، ثم بنضيف زيت الزيتون حتى يغمر حبات المكدوس بالكامل. ⭐ أسرار نجاح المكدوس الشامي ١. الطراوة حسب الذوق: إذا بتحبوا المكدوس طري عند الأكل، ممكن تزيدوا مدة السلق قليلاً، لكن انتبهوا ما يستوي زيادة حتى ما يتفسخ أو ينهرس خلال الكبس. ٢. الكبس الجيد أساس النجاح: استخدموا وزناً ثقيلاً ومناسباً خلال الكبس، لأنه كل ما تخلصنا من السوائل بشكل أفضل، حصلنا على مكدوس أكثر تماسكاً. ٣. انتبهوا لكمية الزيت: لا تملؤوا المرطبان حتى الحافة، واتركوا فراغاً مناسباً بالأعلى حتى ما يفيض الزيت. ٤. نوع الزيت بيفرق بالنكهة: في ناس بتستخدم الزيت النباتي أو بتمزجه مع زيت الزيتون، لكن أنا شخصياً بفضّل زيت الزيتون فقط، لأنه بيعطي المكدوس نكهته الأصيلة والغنية. ٥. نظافة المرطبانات ضرورية: تأكدوا من تنظيف وتعقيم المرطبانات وتجفيفها تماماً قبل التعبئة. ٦. الحفظ السليم: لازم يظل المكدوس مغموراً بالزيت بالكامل، مع مراعاة شروط الحفظ الآمن. #مكدوس #مكدوس_باذنجان #مكدوس_شامي #الشام #على_طريقتي

توكلت على الله :

ما في ثوم

ٰ :

طريقتك كلها غلط لازم قلب القطرميزات قبل الزين مشان يطلع المي

ohoodoqdeh :

اسمحلي شيف اريحك بطريقة انا امي شامية بعد السلق بنجيب بكسة بلاستيك بنصف البيتنجان فيه وبنحط البكسة بصدر كبير وبنحط تتقيلة فوقهن وهيك بتنزل المي وبتكون امي فارمة فليفلة حمرا ومنشفتها بالشمس بتستعملها للحشوة وبس نحط المكدوس بالمطربان بنرجع بنطبه بصينية حتى نتأكد ما يضل مي وصحتين وعافية

الـــــعـــبــــيــدي505★ :

حشوه بدون لحم م تنفع

ياسمين الشام :

♡haya♡ :

فناان 😍اول مرا بشوف حدا بيعمل مكدوس عالطريقة الاصلية رغم انو حضرتك مانك شامي بس كل الاحترام زبطها اكتر مننا💯💯

Diana :

ملح لاتكتر لان الملح الصخري خميل ومالح

منتجات جدادانا ام محمد العفيف :

نفس مقدوسنا وفي مقدوس بلدي جرشي

بنت الجنوب :

ربي يحفظكم

Mohammed Dabak :

ليش بتبعد المي ؟؟؟

almond bloom :

مافهمت وين طريقتك ؟

نشميه 🇯🇴 :

يسلم ايديك شيف

💙 عَرَارْ 🦋 3RAR 💙 :

فنان

hbeb alasel :

هذا مكدوس حوراني

Tota :

زي طريقه امي كتير شوفت طرق ولا حدا قال انه ما يتسكر عليه بس نصب عليه الزيت، يسلم ايديك

🌸Bassant🌸 :

شيف عملته ومابعرف طلع مالح بالكبيس

M&M City Markt :

سلق ب مي سنخنه خطا لازم مي بارده عشان يطلع اشقر يا شيف

ٰ :

هاد بيتنجان حمصي يا شيف

دمشقية ❤ :

متل طريقتنا يعطيك العافيه بس اكيد مو معلمانية عليك نحنا بعد الحشي منحطهم بالمطربان ونقلبهن يومين كمان لحتى تنزل كل المي منه هيك بيعطي طعم اطيب وبصير حموضة طيبة وبعدها نزيتهم

bulbul_929 :

ليش شامي من شو بيشكي مكدوسنا الجرشي او الفلسطيني وحتى انه اطيب

rimajamal19 :

يسلم ايديك

𖤐 :

يِعطيككك الف الف عافيههه 🤍🤍.

Ola Basam Aubmizar :

امي حطت بيضه عشان تعرف نسبه الملح ازا طاشة اه 🤲

Al-Anoud Al-Mansouri :

ياسمين الشام :

هيك حترقت جلدة البتنجان وصارت بنيه