من 3 أسابيع بس بدأنا انا واليكس حكاية جديده في جيش كان وقتها تقريبا 190 فرد ، والرتب العليا قليلة ، ورتب 7 و8 شبه معدومة ، لدرجة اننا كنا بننزل بنفسنا نعمل مقابلات للمواطنين علشان نسد العجز ونبني الجيش من جديد ، 3 اسابيع كانوا مليانين تعب وضغط وشغل ، لكن كنا بنعمل كل ده واحنا عارفين ان النتيجة هتظهر يوم من الايام ، والنهارده لما نبص على اللي حصل ، نلاقي الفصيل وصل لـ450 فرد ، ورتب 7 و 8 بقت من كترها المقر بيتملي ومفيش مقاعد تكفي الكل ، والرتب العليا وصلت لحوالي 35 رتبة ، لكن وسط كل الأرقام دي ، في حاجة عندي اهم من اي رقم… حب الناس ودعمهم وثقتهم فينا هو اكبر نجاح ممكن الواحد يحس بيه ، لان فعلا من حبه ربه حبب فيه خلقه ، وأنا ممتن جدا لكل شخص وقف جنبنا ، ولكل شخص شاف تعبنا وقدر اللي بنعمله ، ولكل واحد كان سبب في ان الرحلة دي تبقى بالشكل ده ، ومبسوط اكتر اني موجود الفترة دي مع اليكس ، وكمان اللي قدرنا نعمله سوا خلال 3 أسابيع عمره ما كان هيكون بنفس الشكل لو كل واحد فينا كان لوحده ، يمكن الفيديو ده مجرد لحظة احتفال ورقص ، لكن بالنسبة لينا هو احتفال بكل يوم تعب ، بكل وقت ضاع ، بكل قرار خدناه ، وبكل شخص وقف معانا لحد ما وصلنا للحظة دي ، وفي النهاية المناصب والارقام بتتغير ، لكن المحبة اللي بتتساب في قلوب الناس هي الحاجة اللي بتفضل ، ودي بالنسبة لي اعظم حاجة موجوده في الرحلة دي . @Alex Me #napa_me #armynapa #roleplay #onestaterp - @ho_ssm