@eldar_apayev: Еліміздің болашағы әрқайсымыздың өз ісімізге адал болып, қоғам алдындағы жауапкершілігімізді сезінуімізден басталады. Петропавл қаласында Халық кеңесі жанындағы «Ел жастары» ұйымы ұйымдастырған жастар лагеріне қатыстым. Бұл басқосу еліміздің түкпір-түкпірінен келген, түрлі салада еңбек етіп жүрген жастарға тәжірибе алмасуға, ой бөлісуге және пікірлес жандармен танысуға мүмкіндік берді. Ерлан Қошановпен кездесу барысында осындай басқосулардың елге пайда әкелетін нақты бастамалар мен жобаларға ұласуы қажеттігі айтылды. Бұл пікірді толық қолдаймын. Дәрігер әрі басшы ретінде мен үшін азаматтық жауапкершілік күнделікті жұмыстан басталады. Адамды мұқият тыңдау, мәселесін түсіну және қолыңнан келгенше көмектесу — соның нақты көрінісі. Адамдардың бір-біріне деген сенімі де осындай істер арқылы нығаяды. Ұйымдастырушылар мен қатысушыларға ашық пікір алмасып, тәжірибе бөлісуге мүмкіндік бергені үшін алғыс айтамын. Мамандықтарымыз әртүрлі болғанымен, мақсатымыз ортақ — елге қызмет ету, қоғамға пайдамызды тигізу. Отанға деген сүйіспеншілік нақты істерден көрінеді. Еліміздің дамуына үлес қосу — әрқайсымыздың қолымызда.

Эльдар Апаев

Open In TikTok:

Region: KZ

Friday 06 November 2026 15:08:00 GMT